Արեգ Բալայեան Յաղթող Ճանչցուած Է «Աւրորա»ի Լուսանկարչական Մրցոյթին

7342925

Մայիս 16-ին, Երեւանի «Դալան» ցուցասրահին մէջ բացուած է «Աւրորա» նախաձեռնութեան «Մարդասիրութեան աչքերով» լուսանկարչական ցուցահանդէսը, ուր ներկայացուած են «Աւրորա» լուսանկարչական մրցոյթին մասնակցած աշխատանքներ: Ցուցահանդէսի բացման արարողութեան ժամանակ յայտնի դարձան «Աւրորա» լուսանկարչական եւ կարճատեւ ֆիլմերու յաղթողները: Այս մասին կը հաղորդէ PanArmenian.net-ը։

Արցախցի լուսանկարիչ Արեգ Բալայեանի «Վերջապէս Հանգիստ» լուսանկարը՝ ժիւրիի որոշումով՝ ճանչցուած է լաւագոյնը: Լուսանկարչական մրցոյթին երկրորդ տեղը գրաւած է Սարգիս Բուլղադարեան (Հայաստան)՝ «Առօրեայ ջրի Խնդիրը Սահմանամերձ Թլիկում» լուսանկարին համար, երրորդ տեղը՝ Վիզարուդ Սանխամի (Թայլանտ) «Անագէ Պատերու Ետին» լուսանկարն է:

Յատուկ մրցանակներու արժանացած են Անահիտ Հայրապետեան (Հայաստան)՝ «Փախստական Հայր Ու Որդին Արցախում» լուսանկարին եւ Աննա Գարոլին տէ Լիմա (Պրազիլ)՝ «Ռաճաշտանցի Տղան» լուսանկարին համար:

«Համոզիչ, կարեկցանքով լի եւ զգայուն. առաջին «Աւրորա» լուսանկարչական մրցոյթին ներկայացուած պատկերները գերող էին, անոնք մեզ կը ստիպէին խորհիլ: Տարիներ շարունակ գնահատած եմ բազմաթիւ մրցոյթներ, եւ այս մրցոյթին լուսանկարները կ՝առանձնանային իրենց իմաստային խորութեամբ եւ կատարման որակով: Մրցոյթը մեր բոլորին ուշադրութիւնը կը հրաւիրէ աշխարհի մէջ խիստ կարեւոր խնդիրներու վրայ», ըսած է մրցոյթի ժիւրիի նախագահ Ճոն Սթենմայըր:

0518aregbalayanՅաղթող լուսանկարի հեղինակին «Աւրորա» մարդասիրական նախաձեռնութիւնը կը շնորհէ 2500 ԱՄՆ տոլարի պարգեւ, երկրորդ եւ երրորդ տեղերը գրաւած լուսանկարներու հեղինակներուն՝ 1500 եւ 1000 ԱՄՆ տոլարի պարգեւ:

«Աւրորա» կարճատեւ ֆիլմերու մրցոյթին լաւագոյն ճանչցուած է Մարիա Ֆերնանտա Մորենօ Պելդրանի «Ցանկութիւն» շարժապատկերը (Քոլումպիա), երկրորդ տեղը Ազա Անդրէասեանի «Ականադաշտի Ամենաերիտասարդ Աղջիկը» ֆիլմն է (Հայաստան), երրորդ մրցանակին արժանացած է Եւկենի Վասիլցովը՝ «Հայր» ֆիլմին համար (Ուքրանիա): Յատուկ մրցանակներու արժանացած են Հայկ Կպէյեան՝ «Տօնածառ» ֆիլմին (Հայաստան) եւ Սանթեակօ Արգոս Վէինդիմիա՝ «Պաղեստինի Մաշկը» ֆիլմին (Էքուատոր) համար: