ՀՀ Սփիւռքի Նախարար Հրանոյշ Յակոբեան Հանդիպած Է ԼՀ Սենատի Նախագահին Հետ

%d5%b6%d5%a1%d5%ad%d5%a1%d6%80%d5%a1%d6%80-%d5%bd%d5%a5%d5%b6%d5%a1%d5%bf

Մայիս 8-ին աշխատանքային այցով Լեհաստանի մէջ գտնուող ՀՀ սփիւռքի նախարար Հրանոյշ Յակոբեան հանդիպում  ունեցած է Լեհաստանի խորհրդարանի վերին պալատի` Սենատի նախագահ (Մարշալեկ) Սթանիսլաւ Գարչեւսկի հետ: Հանդիպման կը մասնակցէին նաեւ Լեհաստանի մէջ ՀՀ դեսպան Էդգար Ղազարեան, Լեհաստանի Սենատի աշխատակազմի պատասխանատու պաշտօնեաներ:

Ինչպէս «Հայերն այսօր»-ին կը  յայտնեն Լեհաստանի մէջ ՀՀ դեսպանատունէն, ողջունելով ՀՀ սփիւռքի նախարար Հրանոյշ Յակոբեանը` ԼՀ Սենատի նախագահը նշած է, որ Լեհաստանի իշխանութիւնները չափազանց մեծ կարեւորութիւն կու տան արտերկիր ապրող լեհերու (Փոլոնիա)-ի հետ տարուող քաղաքականութեան, որուն հարցով Լեհաստանի Սենատն ունի շատ կարեւոր դերակատարութիւն: Ան ներկայացուց այն օրէնսդրական կարգաւորումներն ու քաղաքական ծրագիրները, որոնք Լեհաստանի իշխանութիւնները կ´իրականացնեն Լեհաստանէն դուրս ապրող հայրենակիցներուն հետ յարաբերութիւններուն: Սենատի նախագահը նշեց, որ իրենց համար մեծ հետաքրքրութիւն կը ներկայացնէ Հայաստանի մօտեցումները Սփիւռքի հետ տարուող աշխատանքներուն, որոնց մէկ մասը կրնան օգտակար ըլլալ նաեւ Լեհաստանի պարագային:

ՀՀ սփիւռքի նախարար Հրանոյշ Յակոբեան շնորհակալութիւն յայտնեց ԼՀ Սենատի նախագահին ջերմ ընդունելութեան եւ հանդիպման հնարաւորութեան համար: Նախարարն իր խօսքին մէջ ընդգծեց, որ Հայկական սփիւռքը չափազանց կարեւոր նշանակութիւն ունի Հայաստանի համար, իսկ Լեհաստանի հայ համայնքը կ´առանձնանայ իր իւրայատուկ եւ բազմաբովանդակ պատմութեամբ: Նախարարը յիշեցուց, որ 2017 թուականին կը լրանայ Լեհաստանի Գազիմիր Երրորդ Մեծ թագաւորին կողմէ հայերուն տրուած յատուկ արտօնութեան  650-ամեակը, որ կը խօսի ոչ միայն Լեհաստանի հայ համայնքի հարուստ պատմութեան, այլեւ Լեհաստանի կեանքէն ներս հայերու ունեցած բացառիկ դերակատարութեան մասին: Նախարարը շնորհակալութիւն յայտնեց Լեհաստանի իշխանութիւններուն մեր հայրենակիցներուն հանդէպ մշտական հոգատար վերաբերմունքին եւ բարեկամական յարաբերութիւններուն համար, որ կը կրէ երկկողմանի բնոյթ եւ կ´արտայայտուի նաեւ Լեհաստան ապրող ոչ մեծաթիւ լեհական համայնքին եւ, առհասարակ, լեհ ժողովուրդին հանդէպ հայերուն ունեցած մշտական եղբայրական զգացողութիւններով եւ վերաբերմունքով:

Նախարար Հրանոյշ Յակոբեան ներկայացուց Նաեւ Հայկական սփիւռքի առանձնայատկութիւնները եւ  ՀՀ իշխանութիւններու, մասնաւորապէս` ՀՀ սփիւռքի նախարարութեան կողմէ իրականացուող քաղաքականութեան հիմնական ուղղութիւնները:

%d5%b6%d5%a1%d5%ad%d5%a1%d6%80%d5%a1%d6%80-%d5%bd%d5%a5%d5%b6%d5%a1%d5%bf1