Սուրիահայ Ընկերները Երեւանի ՄԷջ Կօշիկի Խանութ Պիտի Բանան

«Հայերն այսօր»ը կը ներկայացնէ սուրիահայ Պետրոս Գէորգեանի մասին անդրադարձը, որ մայիս 5-ին կը մասնակցէր ՀՀ սփիւռքի նախարարութեան նախաձեռնութեամբ, Երեւանի քաղաքապետարանի եւ Հայաստանի զարգացման հիմնադրամի աջակցութեամբ «Երեւան Էքսպօ» կեդրոնին մէջ տեղի ունեցած Հայաստանի մէջ արդիւնաբերութեան ոլորտին մէջ սփիւռքահայ ներդրողներու արտադրանքներու ցուցահանդէս-վաճառքին:

Պետրոսն ընկերոջ` Վարդան Գէորգեանին հետ մէկուկէս տարի առաջ  ստեղծած է «K.K shoes» ընկերութիւնը, եւ հիմա կօշիկի արտադրութեամբ կը զբաղուին` յաճախորդներուն առաջարկելով բնական կաշիէ կարուած կանանց եւ տղամարդոց համար նախատեսուած կօշիկներ: Սուրիոյ մէջ նոյնպէս այս աշխատանքը կատարած են: Պետրոսի վստահեցմամբ` ինչպէս Սուրիոյ մէջ  միայն բարձր որակի կօշիկներ կարած են, այնպէս ալ` Հայաստանի մէջ կը  շարունակեն նոյն սկզբունքով առաջնորդուիլ: Մեր զրուցակիցը նկատած է, որ Հայաստանի մէջ այս ոլորտին մէջ մրցակցութիւնը շատ է, ուստի իրենք մրցակցութեան մէջ որակեալ արտադրանքով կը փորձեն առաջինը ըլլալ:

«Չենք դժգոհիր, վստահ ենք` ժամանակի ընթացքին ամէն ինչ լաւ պիտի ըլլայ, յառաջիկային նպատակ ունինք Երեւանի մէջ կօշիկի մասնագիտացուած խանութ բանալու: Յաճախորդներն ալ աստիճանաբար սկսած են  ճանչնալ մեզի, որուն մեծապէս նպաստած է ՀՀ սփիւռքի նախարարութեան կողմէ կազմակերպուող այս ցուցահանդէս-վաճառքներուն պարբերաբար մասնակցիլը»,-իր խօսքը եզրափակեց Պետրոս Գէորգեան:

Գէորգ Չիչեան

Scroll Up