Երեւանի Մէջ Կը Ցուցադրուին ՀՀ Զինուած Ուժերու «Սմերչ», «Գրադ», «Հաուբից» Համակարգերը

65301

«Ազգ-բանակ-2017» խորագիրով ցուցահանդէսի ծիրէն ներս Կարէն Դէմիրճեանի անուան մարզահամերգային համալիրի տարածքին Ապրիլ 21- 23 պիտի գործէ ցուցահանդէս, ուր կրթական ոլորտի շարք մը առաջատար հաստատութիւններ պիտի ծանօթացնեն իրենց ուսումնական պայմանները, արձանագրած յաջողութիւններն ու կրթական ծրագիրները:

Առանձին տաղաւարներու եւ հարթակներու մէջ ներկայացուած են  սպառազինութեան եւ ռազմական սարքերու նմուշներ, ՀՀ ռազմաարդիւնաբերական համալիրի տեսակներ:

Համաժողովի ծիրէն  ներս Մարզահամերգային համալիրի մօտ ցուցադրութեան դրուած են «Սմերչ» համազարկային կրակի համակարգ, Точка У մարտավարական հրթիռային համալիր, հակաօդային պաշտպանութեան համակարգեր, «Գրադ» համազարկային կրակի համակարգ, «Հաուբից» հրետանային համակարգ, Տ-90 հրասայլ:

Համաժողովին հանրակրթական դպրոցներու աշակերտներուն համար նախատեսուած է մրցութային ծրագիր, սահմանուած են յատուկ մրցանակներ յաղթողներուն համար: Պիտի կազմակերպուին հանդիպումներ արցախեան ազատամարտի վեթերաններու եւ ապրիլեան մարտական գործողութիւններու մասնակիցներու հետ: