ՀՀ Սփիւռքի Նախարարութեան ՄԷջ Տեղի Ունեցաւ Խորհրդակցութիւն

%d5%ad%d5%b8%d6%80%d5%b0%d6%80%d5%a4%d5%a1%d5%af%d6%81%d5%b8%d6%82%d5%a9%d5%b5%d5%b8%d6%82%d5%b6

Մարտ 20-ին ՀՀ սփիւռքի նախարար Հրանոյշ Յակոբեանի ղեկավարութեամբ տեղի ունեցաւ խորհրդակցութիւն, որուն մասնակցեցան նախարարի տեղակալներ Սերժ Սրապիոնեան, Վահագն Մելիքեան, աշխատակազմի ղեկավար Ֆիրդուս Զաքարեան, «Հայրենիք-Սփիւռք կեդրոն» ՊՈԱԿ-ի, «Սուրիահայերու հիմնախնդիրները համակարգող կեդրոն» հասարակական կազմակերպութեան եւ կառուցուածքային ստորաբաժանումներու ղեկավարները:

Կառուցուածքային ստորաբաժանումներու ղեկավարները զեկուցեցին շաբթուան ընթացքին իրականացուած աշխատանքներուն եւ ձեռնարկներուն վերաբերեալ, նշեցին յառաջիկայ ընելիքները, հանդէս եկան նոր առաջարկներով:

Նախարարը կարեւոր համարեց «Արի տուն» եւ «Սփիւռք» ամառնային դպրոց ծրագիրներու պատշաճ կազմակերպման ու իրականացման խնդիրները:

Շաբթուան գլխաւոր թեմա ընտրուեցաւ տեսաժողովներու իրականացումը: Անդրադարձ կատարուեցաւ Փորթուկալիոյ, Արժանթինի, Վրաստանի, Պուրիաթիոյ (ՌԴ) հայկական համայնքներուն հետ նախատեսուած տեսաժողովներուն, կարեւոր համարուեցաւ Հայ բժիշկներու համահայկական ընկերակցութեան ստեղծման նպատակով կազմակերպուող տեսաժողովի  իրականացումը` ԱՄՆ Արեւելեան ափի, Օնթարիոյի, Արժանթինի, Մեծ Բրիտանիոյ, Գերմանիոյ, Մոսկուայի հայ բժիշկներու միաւորումներու եւ միութիւններու ներկայացուցիչներու մասնակցութեամբ:

Քննարկուեցան աշխատանքային այլ հարցեր: Տրուեցան յանձնարարականներ, նշանակուեցան պատասխանատուներն ու համակարգողները:

20-03