Հայոց Բանակի 25-Ամեակին Նուիրուած Ձեռնարկ Պելկրատի ՄԷջ

«Հայերն այսօր»-Փետրուար 14-ին Պելկրատի Սկատարլիոյ փողոցին մէջ գտնուող գրող Ճուրա Եակշիչի անուան տան ընթերասրահին մէջ տեղի ունեցաւ սերպ բանաստեղծուհի Լիւպիցա Միլետիչի գրական երեկոն «Արարատի հողմերը» վերնագրով` նուիրուած Հայոց բանակին 25-ամեակին:

Երեկոյին ներկայ էին Հայաստանի պատուոյ հիւպատոս Փրետրակ Տոմիչը եւ Սեպիոյ հայ համայնքի նախագահ Սամուէլ Այվազեան:

Երեկոն սկսաւ Լիւպիցայի կենսագրութեան ներկայացմամբ: Վերջինս իր գործունէութեան ընթաքին բազմաթիւ բանաստեղծութիւններ  գրած է` նուիրուած Հայաստանին ու Արցախին` ներկայացնելով այն ինչպէս հարազատ երկիր:

Երեկոյին ընթացքին Հայաստանի եւ Արցախի դրօշներու ներքոյ սերպ բանաստեղծուհի Լիւպիցա Միլետիչը իր «Արարատի հողմերը» գիրքէն կարդաց  շարք մը բանաստեղծութիւններ: Անոր իւրաքանչիւր բանաստեղծութիւնը իւրայատուկ ձեւով սէր կը ներշնչէ Հայաստանի նկատմամբ, ան այնպիսի ոգեւորութեամբ կը կարդար` կարծես ծնած ու մեծցած է Հայաստան:

Բանաստեղծուհիին գործերը ամբողջական դարձան, երբ հնչեցին մեր հայկական «Արաքսի երգը»` Անժէլա Նետելյկովիչի կատարմամբ եւ դաշնամուրի նուագակցութեամբ:

Քանի մը անգամ Լիւպիցան այցելած է մեր երկիր, վերջին անգամ մասնակցած է Հայոց ցեղասպանութեան 100-րդ տարելցի ձեռնարկներուն: Միաժամանակ հայ ընթերցողին  ներկայացուցած է 2015 թուականին լոյս տեսած իր «Արդի հայկական բանաստեղծութիւնը» գիրքը, ուր ամփոփուած են  ժամանակակից հայ բանաստեղծներու բազմաթիւ գործերը:

Երեկոյի երկրորդ մասին մէջ հնչեցին նաեւ սերպական երգեր` ի նշան շնորհակալութեան այդ սերպուհիին, որն անշահախնդիր նուիրուած է մեր երկրին եւ բանաստեղծութիւններու միջոցով կը ներկայացնէ սերպ ընթերցողին մեր պատմութիւնն ու մեր բանաստեղծութիւնը:

Լիւպիցա Միլետիչը առաջին անգամ կարդաց նաեւ հայ բանաստեղծներու ստեղծագործութիւններու իր նոր թարգմանութիւնները` Դաւիթ Յովաննէս-«Քարն է խօսում»,«Խաղող», Վարդան Յակոբեան-«Մի խօսիր ինձ հետ բառերով», «Ծառի եղբայրն եմ»,«Յաճախ վիճում ենք»,«Հայկական մեթոդ», Էդուարդ Միլիտոնեան-«Զօրակոչ»,«Դա իմը չէ»,«Ես երգում եմ…»,«Խոնարւում եմ»,«Նոյ», Գագիկ Դաւթեան-«Ծովային խառնաշփոթ», «Ան վերադարձ ոչինչ չի անհետանում», «Պոեզիա»:

Երեկոն փակուեցաւ «Ազգ իմ փառապանծ» երգով:

Հանդիսատեսն այնպէս սիրած էր մեր հայկական երգերը, որ ծրագիրէն դուրս խնդրեցին հնչեցնել եւս  քանի մը երգեր Անժէլա Նետելյկովիչի կատարմամբ:

«Լաւաշ» բանաստեղծութիւնը կարդալէ յետոյ բոլոր ներկաները հիւրասիրուեցան մեր աւանդական լաւաշով` տարբեր խորտիկներով, որուն հովանաւորն էր Սերպիոյ հայ համայնքի նախագահ Սամուէլ Այվազեան:

Յօդուածի հեղինակ`

Անժէլա Նետելյկովիչ (Երեմեան)

 

 

Scroll Up