Կ’ափսոսամ Այն Տարիներուն Համար, Որոնք Հեռու Ապրած Եմ». Հանրիէթ Անդրէասեան

Յունուար 16-ին ՀՀ սփիւռքի նախարար Հրանոյշ Յակոբեան ընդունեց Աւստրալիոյ Համազգայինի «Սասուն» մասնաճիւղի փոխնախագահ, ձեռնարկներու համակարգող Հանրիէթ Անդրէասեանը:

Ողջունելով հիւրը` նախարարը բարձր գնահատեց տիկին Անդրէասեանի հայանպաստ, ազգանուէր գործունէութիւնը: Ան մասնաւորապէս նշեց. «Երիտասարդները պէտք է հայերէն խօսեն: Մեր ծրագրերն ուղղուած են երիտասարդների հայրենաճանաչութեանը, ազգային ինքնութեան եւ լեզուի պահպանութեանը: Կարեւոր է, որ հնարաւորինս շատ ուսուցիչներ մասնակցեն «Սփիւռք» ամարային դպրոցի դասընթացներին: Հայութեան, հայ ինքնութեան ողնաշարը լեզուն է: Երեխաներին պէտք է գոնէ շաբաթը երկու ժամ հայերէն սովորեցնել` երգ ու պարի, խաղերի միջոցով: Այդպէս պահպանւում է ոչ միայն լեզուն, ազգային աւանդոյթները, այլեւ հայկական միջավայր է ստեղծւում: Տարբեր դասարաններում սովորող երեխաները ծանօթանում են, ընկերանում»:

Քննարկուեցան համագործակցութեան շրջանակները, նախանշուեցան Հայաստան-Սփիւռք գործակցութեան զարգացման ուղղութեամբ յետագայ ընելիքները:

Հանրիէթ Անդրէասեան շնորհակալութիւն յայտնեց ջերմ ընդունելութեան համար,  նշեց, որ ամառը մասնակցած էր նախարարութեան «Սփիւռք» ամառնային դպրոց ծրագիրին եւ հիացած  ծրագիրի ընձեռած հնարաւորութիւններուն. «Ծրագիրի շնորհիւ բախտը ունեցայ Երեւանի պետական համալսարանին մէջ դասընթացներու մասնակցիլ, այցելել Ազգային ժողով, հանդիպիլ վարչապետին հետ: Ուրախ եմ, որ կայ Սփիւռքի նախարարութիւն, ուր կրնամ գալ, ներկայացնել համայնքի խնդիրները, ձեռքբերումները, նոր նախագիծեր քննարկել: Հեռաւոր Աւստրալիոյ մէջ կ’ապրիմ Հայաստանով, աշխուժօրէն կ’աշխատիմ համայնքին մէջ մայրենիի արմատաւորման, ազգային ինքնութեան ու մշակոյթի պահպանման ու տարածման ուղղութեամբ: Զաւակներուս ալ հայկական աւանդոյթներով կը դաստիարակեմ: Այս անգամ կ’ուզեմ Աւստրալիոյ հայ երիտասարդներուն համար հայոց պատմութեան վիրթուալ դասընթացներ կազմակերպել: Կ’ափսոսամ այն տարիներուն համար, որոնք հեռու ապրած եմ: Կ’ուզէի ձեզի հետ, ձեր մէջ ըլլալ»:

img_3132

Scroll Up