ՀՀ ՍՓՅՈՒՌՔԻ ՆԱԽԱՐԱՐՈՒԹՅՈՒՆԸ 5 ՏԱՐԵԿԱՆ Է

Մեծարգո´յ  Նախարար Տիկ. Հրանուշ Յակոբեան,

Ազնուափայլ Տիկին.

Վերջերս թերթերէն տեղեկացայ, թէ այս տարի հոկտեմբերին պիտի նշուի Նախարարութեան կազմութեան պանծալի 5-րդ տարեդարձը:

Թէեւ 5 տարին երկար ժամանակաշրջան մը չի նկատուիր, սակայն այդ կարճ ժամանակամիջոցին Ձեր առաջնորդութեամբ ինչպիսի գործունէութիւն ցուցաբերած ու որքան կարեւոր գործեր կատարած է ան՝ դառնալով սփիւռքահայերուս համար ամենակարեւոր ու սիրելի նախարարութիւններէն մին. ատոր համար ալ շատ տեղին է կոչել զայն պանծալի:

Հայկական սփիւռքը բարդ խճանկար մը կը ներկայացնէ. իւրաքանչիւր գաղութ  իր բազմազան խնդիրները ունի՝ ըստ ապրած երկրի: Սփիւռքի նախարարութիւնը Ձեր աշխոյժ հովանաւորութեամբ, ձեռնհասութեամբ եւ համերաշխութեամբ առաջ կը տանի այս բազմածաւալ ու դժուարին աշխատանքը:

Մեզի՝ սփիւռքահայերուս կը մնայ աջակցիլ ու դիւրացնել Ձեր հայրենանուէր պարտականութիւնը:

Ընդունեցէ´ք իմ լաւագոյն բարեմաղթութիւնները քաջառողջութեան եւ յաջողութեան:

Վարձքների´դ  կատար:

ԺԱՆ ԱԼՄՈՒԽԵԱՆ, Արգենտինա

Կոմպոզիտոր, դիրիժոր

 

Scroll Up