Նաւասարդեան Խաղերուն «Արցախի Համար» Կրպակը Ձեզի Կը Սպասէ

Հայ մշակութային հաստատութեան «Արցախի Հետ» ծրագիրի յանձնախումբը լծուած է աշխատանքի՝ իր մասնակցութիւնը բերելու ՀՄԸՄի Նաւասարդեան փառատօնին: Կասկած չունինք որ անգամ մը եւս մեր գաղութը խուռներամ իր մասնակցութիւնը պիտի բերէ սոյն փառատօնին եւ մարզական մրցումներուն:

«Արցախի Հետ» ծրագիրը պիտի ունենայ իր կրպակը փառատօնի ամբողջ տեւողութեան, Պըրմինկհամ Հայ Սքուլի շրջաբակին մէջ (17000 Haynes St., Van Nuys., CA., 91406), Յունիս 30էն Յուլիս 3: Յանձնախումբի անդամներ ու կամաւորներ ներկայ պիտի ըլլան՝ լայն բացատրութիւններ տալու ներկաներուն, ինչպէս նաեւ ընդունելու խոստմնագիրներ ու նուիրատուութիւններ, որոնք ամբողջութեամբ պիտի յատկացուին Արցախի վերջին դէպքերուն ընթացքին նահատակուած ու վիրաւորուած հայ զինուորներու ընտանիքներուն:

Առ այդ, անգամ մը եւս կը հրաւիրենք մեր հայրենակիցները այցելելու մեր կրպակը եւ իրենց նիւթական ու բարոյական աջակցթեամբ թիկունք կանգնելու Արցախի եւ անոր հերոս ժողովուրդին:

Յիշեցնենք, որ «Արցախի Հետ» ծրագիրը կը հովանաւորեն Արեւմտեան Ամերիկայի Ազգային Առաջնորդարանը, Հայ Յեղափոխական Դաշնակցութիւնը, Հայ Օգնութեան Միութիւնը, ՀՄԸՄը, Համազգայինը եւ Հայ Երիտասարդաց Դաշնակցութիւնը:

www.withartsakh.org  (844) HELP NKR or (844) 435 7657, ACF Western USA, With Artsakh, 104 N.Belmont St., Suite 300, Glendale., CA., 91206։

Scroll Up