ՀՀ Սփիւռքի Նախարար Հրանոյշ Յակոբեան Ընդունեց Հայաստանի Մէջ Նորաստեղծ Ֆրանսական Բարձրագոյն Ինժեներական Հիմնարկի Հիմնադիրները

Հոկտեմբեր 2-ին ՀՀ սփիւռքի նախարար Հրանոյշ Յակոբեան ընդունեց Հայաստանի մէջ նորաստեղծ Ֆրանսական Բարձրագոյն Ինժեներական Հինարկի հիմնադիրները, հանդիպման ներկայ էր նաեւ ԱԺ պատգամաւոր Մհեր Շահգելդեանը:

Նախարարը հիւրերը ողջունեց եւ շնորհաւորեց` նշելով, որ հայերը շատ կը  սիրեն ուսանիլ եւ Հայաստանի մէջ չկայ  ծնող մը, որ չցանկայ իր երեխային բարձրագոյն կրթութիւն ստանալ: Նախարարի ցուցումով ՀՀ սփիւռքի նախարարութեան կրթական եւ մշակութային ծրագիրներուն մասնակից Սփիւռքէն Հայաստան ժամանող երիտասարդները առիթ կ’ունենան այցելել համալսարան եւ մօտէն
ծանօթանալ վերջինիս հնարաւորութիւններուն:

Հիւրերը շնորհակալութիւն յայտնեցին ջերմ ընդունելութեան համար եւ նշեցին, որ նորաստեղծ Համալսարանը որդեգրած է քաղաքականութիւն մը, որ հնարաւորութիւն կ’ընձեռէ կրթութիւն ստանալ նաեւ սոցիալական խնդիրներ
ունեցող երիտասարդներուն:

Հանդիպման աւարտին ՀՀ սփիւռքի նախարար Հրանոյշ Յակոբեան հիւրերուն հրաւիրեց ներկայ գտնուելու հոկտեմբեր 3-ին Արամ Խաչատրեան համերգասրահին մէջ «Կոմիտաս Վարդապետ» փառատօնի հանդիսաւոր փակման արարողութեան:

Scroll Up