Եսայի Ալթունեան Արցախի Մէջ Է. լուսանկարներ, տեսանիւթ

2015-ին «Եւրոտեսիլ» երգի մրցոյթին Հայաստան ներկայացնող «Geneology» խումբի անդամ, ֆրանսահայ երգիչ, երգահան եւ դերասան  Եսայի Ալթունեան արդէն երրորդ օրն է` Արցախի մէջ է:

«Հայերն այսօր»-ի փոխանցմամբ` Երեւանի մէջ Հայոց ցեղասպանութեան 101-րդ տարելիցի ձեռնարկներուն մասնակցելէ յետոյ երգիչը մեկնած է Արցախ, նախ գացած Ստեփանակերտ, իսկ երէկ արդէն ան Մարտակերտ էր, ուրկէ տեսանիւթի միջոցով կը ներկայացնէ այս օրերուն ատրպէյճանցիներու սանձազերծած գործողութիւններու արդիւնքը:

«Ապրիլ 27-ին Մարտակերտը Ատրպէյճանի հրետակոծութեան տակ էր: Մենք բոլորս պէտք է գիտնանք այդ մասին եւ աջակցինք անոնց: Հրադադարը չի պահպանուիր: Ատրպէյճան կը շարունակէ ամէն գիշեր հրետակոծել իմ ժողովուրդը: Երէկ գիշեր հրետակոծուած է այս երաժշտական դպրոցը: Բարեբախտաբար, այստեղ երեխաներ չեն եղած»,-նշած է երգիչը` մատնացոյց ընելով քանդուած շէնքը:

1 2 3 4

Scroll Up