Հայոց Ցեղասպանութիւնը Ներկայացնող Նոր Թուային Վահանակներ Կը Ներկայացուին Մասաչուսէթսի ՄԷջ

Դանիէլ Վարուժան Հեճինեանի գլխաւորած «Խաղաղութեան արուեստ» կազմակերպութիւնը կը շարունակէ Հայոց ցեղասպանութեան նուիրուած ամէնամեայ արշաւը Մասաչուսէթսի տարբեր քաղաքներու մէջ: Արշաւի ծիրէն ներս Ապրիլ ամսուան ընթացքին թուային վահանակներ կը տեղադրուին` նուիրուած Հայոց ցեղասպանութեան 101-րդ տարելիցին:

«Հայերն այսօր»-ի փոխանցմամբ` առաջին երկու վահանակները Ապրիլ 2-ին տեղադրուեցան Ֆոքսֆորոյի մէջ: Ատոնցմէ մէկուն վրայ Ցեղասպանութենէն փրկուած հայ որբերն են` «1.5 միլիոն զոհ. 150.000 որբեր» գրութեամբ, իսկ միւսին վրայ Հայոց ցեղասպանութեան 100-րդ տարելիցի խորհրդանիշ անմոռուկներն են, որոնք կարծես զոհերու աչքեր ըլլան` ճանաչում ու արդարութիւն պահանջող:

Նշենք, որ եւս 6 վահական տեղադրուած է երէկ` Ապրիլ 7-ին:

1

Scroll Up