Բարի Գալուստ Պոսթը՛ն, Նախագահ Սերժ Սարգսեան

«Արուեստի խաղաղութիւնը» կազմակերպութիւնը 14′x48′ ոտնաչափ ցուցապաստառով կ’ողջունէ Հայաստանի Հանրապետութեան նախագահ Սերժ Սարգսեանի այցը Պոսթըն: Այս մասին «Հայերն այսօրին» կը տեղեկացնեն «Արուեստի խաղաղութիւնը» կազմակերպութենէն:

Վահանակին վրայ գրուած է.

«Բարի գալուստ Պոսթըն, Ձերդ Գերազանցութիւն` ՍԵՐԺ ՍԱՐԳՍԵԱՆ, Հայաստանի Հանրապետութեան Նախագահ:

Շնորհաւորանքներ կը յղենք Ձեզ Հայաստանի Հանրապետութեան անկախութեան 25-ամեակին առիթով»:

Աւելցնենք, որ «Արուեստի խաղաղութիւնը» կազմակերպութիւնը հիմնադրուած է 2003թ-ին արուեստագէտ Դանիէլ Վարուժան Հեճինեանի կողմէ, որ կ’օգտագործէ համընդհանուր արուեստի լեզուն` իրազեկելով մարդկային գոյավիճակին, նպաստելով հակամարտութիւններու խաղաղ լուծման, առանցք ընդունելով Հայոց ցեղասպանութեան միջազգային ճանաչումը եւ Հայաստանի հեղինակութեան բարձրացումը արտերկրի մէջ:

Բոստոն Նախագահ1 Բոստոն Նախագահ2

Scroll Up