Սրբոց Վարդանանց Տօնակատարութււնը Սամուէլ Մուրատեան Վարժարանէն Ներս

Շաբաթ, փետրվարի 7-ին, ժամը 15–ին   Նախակրթարանի եւ  Միջնակարգի աշակերտները կոկիկ հանդէս մը պատրաստած էին իրենց դասընկերներուն համար  ուսուցչուհիներու հսկողութեամբ իրենց  հանդիսասրահին մէջ ուր բոլոր աթոռները գրաւուած էին: Այս մասին «Հայերն այսօրին» կը յայտնէն Սամուէլ  Մուրատեան  Վարժարանէն:

Այս ամսուայ  դասախօսութեան  որպէս  հերթական նիւթ  Տեսուչ Վարդապետ` Յարութիւն Վրդ,Պզտիկեանը  ընտրած էր  Վարդանանց Հերոսամարտը ներկայացնել ոչ միայն որպէս  Բարոյական  այլ նաեւ  ԶԻՆՈՒՈՐԱԿԱՆ  ՓԱՅԼՈՒՆ ՅԱՂԹԱՆԱԿ պատմականօրէն բացատրելով, թէ ինչպէս  Աւարայրի հերոսական ճակատամարտէն վերջ, ՀՄԱՅԵԱԿ  Մամիկոնեան` Վարդանի եղբայրը, Հայոց ցրուած բանակը  վերակազմելով՝ սկիզբ տուաւ ԲԵՐԴԵՐՈՒ  ՊԱՏԵՐԱԶՄԻՆ՝ փոքրաթիւ գունդերով ֆետայական  ճակատամարտներ մղել Հայաստանի լեռներուն եւ ձորերուն անծանօթ եւ անվարժ  պարսիկ բնակին դէմ, որ ամէն ընդհարումներուն մեծ կորուստներ տալով սարսափած օրեր կ`ապրէին մանաւանդ ՈՂՋՆԱՀԱՂԻ չարաչար պարտութենէն ետք;
Մինչ այդ Յազկերտի յաջորդած էր Պերոզ որ ամէն գնով կը փորձէր ընկճել ապստամբ հայերը; Ան իր դէմ գտաւ Հմայեակի աւագ որդին` Վահան Մամիկոնեանը գլուխ անցնելով երկրորդ ապստամբութեան,փայլուն յաղթանակներ տարաւ Ակոռիի,Ճարմանայի,Մկնառինճի,Դուինի,Երէզի,Շտէի ճակատամարտներուն ի վերջոյ 484 ին խաղաղութեան դաշինք կնքուեցաւ երկու երկիրներու միջեւ գոհացնելով հայերու ԲՈԼՈՐ ՊԱՀԱՆՋՆԵՐԸ.
Աւարայրի պատերազմը 33 տարի ետք ՆՈՒԱՐՍԱԿԻ խաղաղութեան դաշինքով ՅԱՂԹԱԿԱՆ դուրս եկաւ:

Հանդիսութեան գեղարուեստական բաժինը  ապահովեցին ամէնուս ծանօթ վարդանանց դասական երգերով և խմբերգներով մանկպրտէզի եւ միջնակարգի աշակերտները Ալիշանի տաղերով եւ Ալէմշահի երաժշտութեամբ.

Վարժարանի լուսանկարիչ Ա. Արզոյեան  եկած էր յաւերժացնելու իր ոսպնեակով օրուան հանդիսութիւնը:

ՍԱՄՈՒԷԼ  ՄՈՒՐԱՏԵԱՆ  ՎԱՐԺԱՐԱՆՍԱՄՈՒԷԼ  ՄՈՒՐԱՏԵԱՆ  ՎԱՐԺԱՐԱՆ1 ՍԱՄՈՒԷԼ  ՄՈՒՐԱՏԵԱՆ  ՎԱՐԺԱՐԱՆ2ՍԱՄՈՒԷԼ  ՄՈՒՐԱՏԵԱՆ  ՎԱՐԺԱՐԱՆ3 ՍԱՄՈՒԷԼ  ՄՈՒՐԱՏԵԱՆ  ՎԱՐԺԱՐԱՆ4 ՍԱՄՈՒԷԼ  ՄՈՒՐԱՏԵԱՆ  ՎԱՐԺԱՐԱՆ5

Scroll Up