ՀՀ Նախագահ Սերժ Սարգսեանի գլխաւորութեամբ Վրաստան մեկնած պատուիրակութեան կազմին մէջ էր ՀՀ սփիւռքի նախարար Հրանոյշ Յակոբեան

Նախագահ Սերժ Սարգսեանի գլխաւորութեամբ Վրաստան մեկնած պատուիրակութեան  կազմին մէջ էր նաեւ ՀՀ սփիւռքի նախարար Հրանոյշ Յակոբեան:

 Պատուիրակութիւնը ներկայ  գտնուած է Ն.Ս.Օ.Տ.Տ. Գարեգին Բ Ամենայն Հայոց Կաթողիկոսի, Վիրահայոց թեմի առաջնորդ Վազգէն եպիսկոպոս Միրզախանեանի, եկեղեցւոյ վերականգնման ծրագիրի նուիրատուներու, բազմաթիւ հիւրերու եւ Վիրահայոց թեմի հաւատացեալներու մասնակցութեամբ Թիֆլիսի հնագոյն եկեղեցիներէն մէկուն` հայկական Սուրբ Գէորգ առաջնորդանիստ եկեղեցւոյ վերաօծման արարողութեան` հանդիսապետութեամբ Ամենայն Հայոց Կաթողիկոսի:

Արարողութեան ներկայ եղած է նաեւ Եկեղեցւոյ բարերար, Վրաստանի նախկին վարչապետ Պիձինա Իւանիշուիլին, որ եկեղեցաշէն միւս բարերարներուն հետ Վեհափառ Հայրապետին կողմէ պարգեւատրուած է  հայ Առաքելական Եկեղեցւոյ բարձր պարգեւներով:

Արարողութենէն յետոյ տեղի  ունեցած է եկեղեցւոյ վերակառուցման ծրագիրի բարերարներու անուններով յուշատախտակի բացումը:

 Նախագահ Սերժ Սարգսեան հանդիպումներ ունեցած է Վրաստանի Նախագահ Գիորգի Մարգուելաշուիլիի, վարչապետ Իրակլի Ղարիբաշուիլիի, խորհրդարանի նախագահ Դաւիթ Ուսուպաշուիլիի հետ:

 ՀՀ Նախագահ Սերժ Սարգսեանի գլխաւորութեամբ տեղի ունեցած պաշտօնական հանդիպումներուն մասնակցած է նաեւ ՀՀ սփիւռքի նախարար Հրանոյշ Յակոբեան:

VrastanVrastan-1

Scroll Up