Հալեպում Խաղողօրնեք էր. հայ համայնքում կյանքը շարունակվում է

Բաւական տաղտկալի շաբաթ էր անցնող շաբաթը։ Զինեալ արմատական խմբաւորումները կը յայտարարէին, որ արաբական Ֆըթըր զատկուան տօնին Հալէպի մէջ Իսլամական իշխանութիւն պիտի հաստատեն։

Զատկուան չորս օրերը անցան, ցարդ նման իշխանութիւն չյայտարարուեցաւ։ Հալէպի մէջ սղաճն ու անապահովութիւնը տակաւին կը շարունակուին։ Սննունդի խնդիրը լուծուեցաւ, սակայն սակագիներն անբնական ու անընդունելի են։

Անցնող շաբթուան ընթացքին պետական համապատասխան կառոյցները Հալէպի մէջ ականուած երեք ինքնաշարժ յաջողեցան բացայայտել եւ ականները քակել։

Այս շաբթուան մէջ դիպուկահարով երկու, պաղ կապարով մէկ եւ հրասանդի բեկորով մէկ հայորդի վիրաւորուեցան։

Շաբաթավերջին 6 հայ Հալէպէն Երեւան ճամբորդելու ընթացքին թրքական սահմանին մօտակայ Հալէպի գիւղերէն մէկուն մէջ առեւանգուեցան։ Առեւանգուողներէն երկուքը կիներ էին, որոնք վերադարձուեցան Հալէպ, իսկ 4ը տղամարդիկ, որոնցմէ մէկը մեքենավարն էր։ Անոնց ճակատագիրը ցարդ անյայտ է։

Հովանաւորութեամբ Տէր Պետրոս Արք.Միրիաթեանի, կազմակերպութեամբ Հայ Կաթողիկէ Միութեան, Աղաճանեան սրահէն ներս եւ երեք օրերու տեւողութեամբ ներկայացուեցաւ “Հայրիկը” գեղարուեստական երեկոն։

Կիրակի 11 Օգոստոսին Հալէպի հայկական եկեղեցիները կատարեցին խաղող օրհնէքի արարողութիւն։ Բաւական դժուար պայմաններու մէջ կը շարունակուի Հալէպի կեանքը։

yerkirmedia.am

Scroll Up