Տեղի ունեցաւ Ճարտարապետներու համահայկական 3-րդ համաժողովի կազմակերպչական կոմիտէի նիստը

Յունիս 17-ին ՀՀ սփիւռքի նախարար Հրանոյշ Յակոբեանի գլխաւորութեամբ տեղի ունեցաւ Ճարտարապետներու համահայկական 3-րդ համաժողովի կազմակերպչական կոմիտէի նիստը, որուն կը մասնակցէին ՀՀ քաղաքաշինութեան նախարար Նարեկ Սարգսեան, Ճարտարապետներու եւ ճարտարագէտներու համահայկական ընկերակցութեան համանախագահ Գոհար Թութունճեան, Հայաստանի շինարարներու միութեան նախագահ Գագիկ Գալստեան, Հայաստանի ճարտարապետներու միութեան նախագահ Մկրտիչ Մինասեան, ՀՀ ճարտարապետութեան ազգային թանգարան-հիմնարկի տնօրէն Աշոտ Գրիգորեան, մասնագէտներ, հիւրեր:

 Համաժողովին կը նախատեսուի 150 մասնագէտներու մասնակցութիւն` Սփիւռքէն եւ Հայաստանէն:

 Որոշուեցաւ համաժողովը իրականացնել Հոկտեմբեր 6-7, որ կը համընկնի ճարտարապետներու միջազգային օրուան հետ:

 Քննարկուեցան համաժողովի կազմակերպական հարցերը:

 

Scroll Up