Գործարար ֆորումին դրական տեղաշարժ կը նկատուի.Ֆորումի մասնակիցներ

Մայիսի 12-ին ՀՀ սփիւռքի նախարարութեան եւ Հայկական առեւտրային ցանցի (ՀԱՑ) նախաձեռնութեամբ, ինչպէս նաեւ` Հայաստանի ու Արցախի արդիւնաբերողներու եւ գործարարներու միութիւններու համագործակցութեամբ կայացած Հաց-ի 4-րդ Գլխաւոր Ասամբլէայի նիստի եւ 2-րդ գործարար ֆորումի ժամանակ “Հայերն այսօր”-ը ճեպազրոյց ունեցած է ֆորումի մասնակիցներէն մի քանիի հետ:

Արայիկ Վարդանեան- Հայաստանի առեւտրաարդիւնաբերական պալատի նախագահութեան անդամ, աշխատակազմի ղեկավար – Ես ֆորումի ժամանակ ալ ըսի, որ նախապէս տեղի ունեցած ֆորումներէն ետք արդէն դրական տեղաշարժ կը նկատուի: Առաջ քննարկումներու ժամանակ չէր խօսուէր Հայաստան ներդրումներ կատարելու մասին. սփիւռքեան գործարարները կը փորձէին միայն իրարու հետ համագործակցիլ: Բայց հիմա կը ցանկամ բոլոր ծրագրերուն Հայաստանն ու Արցախը եւս ընդգրկել, ինչը, անշուշտ, ողջունելի է: Այս հանդիպումները նաեւ մեծապէս կը խթանեն, որ մեր աշխարհասփիւռ հայրենակիցները վերադառնան Հայաստան: Ես դրական տրամադրուած եմ այս հարցով:

Յակոբ Կոշեցեան- Հայ-ֆրանսական առեւտրաարդիւնաբերական պալատի ներկայացուցիչ – Հայաստանի մէջ առեւտրաարդիւնաբերութիւնը զարգացնելու ուղղութեամբ աւելի շատ ծրագիրներ կը մշակուին, քան կ’իրականացուին: Ուստի առաջարկս է` ուժերը կեդրոնացնել ծրագրեր իրականացնելու վրայ: Ինչքան նկատած եմ` Հայաստանի մէջ պիզնեսի զարգացման շուկայական կառավարման ոլորտի մասնագէտներու պակաս կը զգացուի: Կը կարծեմ` անհրաժեշտ է նման մասնագէտները լաւ վերապատրաստել: Հակառակ այդ բոլորին` զարգացման միտումներ կը նկատեմ: Ես Ֆրանսայի մէջ անհատ ձեռներէց եմ. կը զբաղիմ տարբեր ոլորտներու պիզնեսով` տեքստիլ արդիւնաբերութիւն, շինանիւթերի վաճառք, շինարարական գործունէութիւն եւ այլն: Գլխաւորաբար կը համագործակցիմ Ֆրանսայի մէջ գործող անշարժ գոյքի գործակալութիւններու հետ:

Ռաֆֆի Էլլիոթթ- Հայաստանի մէջ “Getreated” տեղեկատուական գիտարուեստներու ընկերութեան հիմնադիր – Գանատայէն չորս տարի առաջ հայրենադարձուած եմ: Տեղափոխուելով Հայաստան` տեղեկատուական գիտարուեստներու փոքր ընկերութիւն հիմնեցի: Ուրախ եմ, որ նմանատիպ ֆորումներ կ’իրականացուին Հայաստանի մէջ, շատ կարեւոր է մեզի համար: Սակայն մէկ նկատառում ունիմ: Այստեղ ծաւալուելու դաշտը փոքր է, հնարաւորութիւնները` սահմանափակ, այդ մէկը կը խոչընդոտէ յետագայ գործունէութեան զարգացման: Իսկ նման հաւաքներու ժամանակ կը նախընտրեմ ոչ թէ նստիլ եւ միայն խօսիլ, այլեւ խօսքը գործի վերածել. պէտք է յստակ գործելաոճ որդեգրել:

Դաւիթ Խաչատրեան- Ռումանիոյ առեւտրաարդիւնաբերութեան պալատի ներկայացուցիչ – Ռումանիոյ առեւտրաարդիւնաբերութեան պալատը 2005 թուականէն կը գործէ: Պալատը միշտ հետաքրքրուած է հայ-ռումանական առեւտրային յարաբերութիւնները պահպանելու եւ զարգացնելու ուղղութեամբ: Առեւտրային շրջանառութիւնը զարգացնելու նպատակով` 2013 թուականին հայ-ռումանական պիզնէս ֆորում կազմակերպուեցաւ: Մասնակցելով այս ֆորումին` մեզի դարձեալ առիթ ընձեռուած է ներկայացնելու Հայաստանի հետ կապուած ռումանական նախագիծերը, որմէ ետք կ’անցնինք փոխշահաւէտ համագործակցութեան: Նաեւ կիսատ ձգած գործերը ի մի կը բերենք. կան մշակուած ծրագիրներ, զորս պէտք է զարգացնել: Կը կարեւորեմ նմանատիպ ֆորումների կազմակերկումը նաեւ այն առումով, որ կը մտերմանանք, կը կարենանք գործընկերներ եւ նոր համագործակցութիւններու ուղիներ գտնել:

Պատրաստեց Գեւորգ Չիչեան

Scroll Up