Հորդանանի արքայադուստրն այցելել է Ծիծեռնակաբերդ. լուսանկարներ

Հորդանանի Արքայադուստր Դինա Մայրեդը ԵՊԲՀ ռեկտոր Արմեն Մուրադյանի, ինչպես նաև Հայոց ցեղասպանության թանգարան-ինստիտուտի փոխտնօրեն Սուրեն Մանուկյանի ուղեկցությամբ այսօր այցելել է Ծիծեռնակաբերդ և հարգանքի տուրք մատուցել Հայոց ցեղասպանության զոհերի հիշատակին՝ ծաղիկներ խոնարհելով անմար կրակի մոտ:

Երևանի պետական բժշկական համալսարանի ֆեյսբուքյան էջից տեղեկանում ենք, որ Հայոց ցեղասպանության թանգարան-ինստիտուտին կից գտնվող հիշատակի պուրակում ծառ է տնկել՝ ի հիշատակ Մեծ եղեռնի զոհերի հիշատակին: Դինա Մայրեդը շրջել է նաև թանգարան-ինստիտուտում, որից հետո գրառում կատարել թանգարան- ինստիտուտի հուշամատյանում:

«Որպես ոչ-քաղաքական գործիչ, այլ ընդհակառակը՝ որպես քաղցկեղի դեմ պայքարի ջատագով, որը ինձ դարձնում է դերակատար կյանքեր փրկելու գործում՝ այցելելով Ցեղասպանության թանգարան, հիշում եմ պատերազմական բոլոր վայրագությունները, որտեղ էլ դրանք տեղի ունեցած լինեն…»,-նշել արքայադուստրը գրառման մեջ՝ նաև հիշատակելով աշխարհի տարբեր կողմերում ներկա բռնությունները քաղաքացիական բնակչության դեմ, որոնց հիմնական զոհերը կանայք են, երեխաները, մշակութային ժառանգությունը:

Դինա Մայրեդը բռնությունների և այլ արհավիրքների դեմ պայքարում ջանքերը մեկտեղելու անհրաժեշտություն է տեսնում: Երեկ երեկոյան Հորդանանի արքայադուստրը բժշկական համալսարանի աշխատակիցների և ուսանողների հետ դիտել է Հայոց ցեղասպանությանը նվիրված «Խոստում» ֆիլմը:

12345 6 7 8 9 10

Հենրիխ Մխիթարյանը ՀՀ-­ում Միացյալ Թագավորության դեսպանին է նվիրել իր մարզաշապիկը

Ֆուտբոլի Հայաստանի ազգային հավաքականի և Անգլիայի «Մանչեսթեր Յունայթեդ» ակումբի կիսապաշտպան Հենրիխ Մխիթարյանն իր մարզաշապիկն է նվիրել Հայաստանում Միացյալ Թագավորության դեսպան Ջուդիթ Ֆարնուորթին:

Դեսպանը թվիթերյան իր միկրոբլոգում նվեր ստացած մարզաշապիկով նկար է հրապարակելև գրել. «Wow… Մեծ շնորհակալություն Հենրիխ Մխիթարյանին Երևանում բրիտանական դեսպանությունից այս հիասքանչ նվերի համար: Մենք պետք է փայփայենք այն», գրում է panorama.am-ը։

Պորտուգալիայում բնակվող հայերը մեծ աշխատանք ենք տանում երկու երկրների միջև կապերի ստեղծման համար. Լիա Խաչիկյան

Ապրիլի 5-ին «Պորտուգալիա-Հայաստան բարեկամության միության» նախաձեռնությամբ Լիսաբոնի համալսարանի գրերի ֆակուլտետում (Faculdade de Letras de Universidade de Lisboa) կայացել է «Հայոց լեզվի օր» խորագրով սեմինար, որը վարել է «Պորտուգալիա-Հայաստան բարեկամության միության» հիմնադիր անդամ Լիա Խաչիկյանը, ով Լիսաբոնում պորտուգալերեն լեզվի ու մշակույթի ուսումնասիրությամբ է զբաղվում և այսօր «Հայերն այսօր»-ի զրուցակիցն է:

– Լիա´, ի՞նչն է քեզ Պորտուգալիա բերել:

– Մասնագիտությամբ ճարտարապետ եմ: Հենց իմ մասնագիտությունն էլ 2014 թվականին ինձ բերեց Պորտուգալիա. եկա որպես ճարտարապետության ասպիրանտ: Շուտով հասկացա, որ պորտուգալերենի հանդեպ շատ մեծ հետաքրքրություն ու սեր ունեմ: Ուսումս ավարտելուց հետո որոշեցի անպայման վերադառնալ ու շարունակել պորտուգալերեն լեզվի ու մշակույթի ուսումնասիրությունը: Այսօր արդեն ողջ գործունեությունս կապված է պորտուգալերենի ուսումնասիրության հետ:

– Առաջի՞ն համագործակցությունդ է «Պորտուգալիա-Հայաստան բարեկամության միության» հետ:

– Ո՛չ: Ես միության հիմնադիր անդամների խմբում եմ ընդգրկված: Սա ինձ համար համագործակցություն չէ, այլ մեր աշխատանքի մի մասն է կազմում: Աշխատանք, որն այս պարագայում ուղղված է  հայ-պորտուգալական մշակութային կապերի, ինչպես նաև՝ քաղաքական, գիտական, տնտեսական, մարզական և այլ կապերի զարգացմանը: Կարող ենք փաստել, որ ներկայումս երկու երկրների միջև կապն ու համագործակցությունը գրեթե բացակայում են: Այս պատասխանատու գործի կրողն էլ հենց «Պորտուգալիա-Հայաստան բարեկամության միությունն» է՝ ի դեմս նրա բոլոր անդամների:

– Ի՞նչ եղանակով ներկայացրիր հայերենի մասին տեղեկությունները «Հայոց լեզվի օր» խորագրով սեմինար ժամանակ:

-Բավականաչափ ընդհանրական ու հնարավորինս ամփոփ:
Պորտուգալացի դիտողն առաջին անգամ էր ներկա լինում հայերենին նվիրված միջոցառման: Խնդիրը նրանց մեր  լեզվին ու մշակույթին ծանոթացնելն էր: Խոսվեց հայերենի աշխարհագրական տարածման մասին, լեզվի պատմության և զարգացման փուլերի,  գրերի ստեղծման, այբուբենի կազմության և հետագա փոփոխությունների, արևմտահայերենի և արևեահայերենի հիմնական հնչյունաբանական և բառապաշարի տարբերությունների մասին: Հայաստանի Հանրապետության և Պատմական Հայաստանի տարածքում առկա բարբառներին ևս կարճ անդրադարձ եղավ, ընդհանուր տեղեկություններ տրվեցին նաև լեզվի քերականական կառուցվածքի վերաբերյալ: Կարողացանք նաև պորտուգալացի հանդիսատեսին ծանոթացնել հայ ժամանակակից պոեզիայի հետ: Հնչեցին Հովհ. Թումանյանի, Հովհ. Շիրազի, Հ. Սահյանի և Պ. Սևակի բանաստեղծություններից մի քանիսը:

Մատուցվող թեման ամբողջական ներկայացնելու համար ամեն ինչից մի քիչ խոսեցինք, որովհետև հանդիսատեսը փոքրիկ խաղերի միջոցով ևս մասնակցություն էր ունենում. որոշ մասնակիցներ անգամ փորձ ունեցան հայերեն բառեր սովորելու և արտասանելու:
Հասկանալի է, որ նյութը բավականաչափ դժվարամարս էր օտարերկրացիների համար, այդ իսկ պատճառով փորձել էի հնարավորինս ինտերակտիվ և թեթև դարձնել ներկայացումը: Այդ գործում անչափ օգնեց նաև «Կոնսոնանսիա»  լարային նվագախմբի մենակատարներից կազմված կվարտետը, որը փայլուն կերպով եզրափակեցին իմ ելույթը՝ հանդիսատեսին ներկայացնելով հայ երաժշտության գլուխգործոցներ:

– Լիա, քո կարծիքով կարողացա՞ր հայերենի մասին տեղեկությունները մասնակիցներին փոխանցել:

-Դատելով հետագա արձագանքներից՝ շնորհավորանքներ, շնորհակալություններ, ստացված նամակներ, տպավորությունը, իսկապես, մեծ էր: Շատերը մոտեցան ու շնորհակալական խոսքեր ասացին, որ իրենց համար բացարձակապես անծանոթ մի աշխարհի մասին հետաքրքիր փաստեր իմացան, որոշ բաներ սովորեցին ու որ կարևորն էր, հաճույքով ու հետաքրքրությամբ անցկացրին իրենց աշխատանքային օրվա ավարտը:

Լիսաբոնի Համալսարանի գրերի ֆակուլտետի (Faculdade de Letras de Universidade de Lisboa) մի քանի ամբիոնների կողմից անգամ հետագա համագործակցության առաջարկներ եղան, որոնք անպայման կքննարկենք:

Մի քանի պորտուգալացի լեզվաբաններ խնդրեցին տեղեկություններ՝ լեզուն ուսումնասիրելու հնարավորությունների մասին: Սա նրանց համար, և ինչու՞ ոչ՝ մեզ համար, հետազոտությունների նոր հարթակ է, նոր հնարավորությունների սկիզբ:
Այս ամենից կարելի է եզրակացնել, որ մեկնարկը կայացած է. մեկ քայլ առաջ դրեցինք, հաստատապես՝ մշակութային ու գիտական կապերի ստեղծման ու խորացման ճանապարհին:

– Լիա´, քո խոսքերը փաստում են, որ նման ձեռնարկները համագործակցության նոր հեռանկարներ են բացում երկու երկրների միջև:

-Ինչպես արդեն նշեցի, մենք՝ թե՛ «Պորտուգալիա-Հայաստան բարեկամության միությունը», և թե՛ Պորտուգալիայում բնակվող հայ անհատները, մեծ աշխատանք ենք տանում երկու երկրների միջև կապերի ստեղծման համար: Բացի այդ, այս երկու ազգերը չափազանց շատ նմանություններ ունեն. դա փաստում են և՛ պորտուգալացիներին, Պորտուգալիան ճանաչող հայերը, և՛ հայերին ու Հայաստանը ճանաչող պորտուգալացիները: Այս տեսանկյունից նման ձեռնարկները նպաստում են միմյանց հանդեպ հետաքրքրության խորացմանն ու հետագա համագործակցությունների կայացմանը: Չէ՞ որ հաջող համագործակցության համար առաջին հերթին կարևոր է ճանաչողությունն ու հետաքրքրությունը: Ինչպես էլ պտտվենք, նման ձեռնարկներն ուղղակի անհրաժեշտություն են:

Եզրափակոլով խոսքս՝ իմ և «Պորտուգալիա-Հայաստան բարեկամության միության» անունից ուզում են շնորհակալություն հայտնել Ձեր կողմից ցուցաբերված հետաքրքրության և հաճելի հարցազրույցի համար:

Լուսինե Աբրահամյան

%d5%bd%d5%a5%d5%b4%d5%ab%d5%b6%d5%a1%d6%803

 

Բյուլբյուլօղլին խայտառակվել է ՅՈՒՆԵՍԿՕ-ի գլխավոր տնօրենի թեկնածուների լսումների ժամանակ

ՅՈՒՆԵՍԿՕ-ի գլխավոր տնօրենի պաշտոնին հավակնող Ադրբեջանըներկայացնող Փոլադ Բյուլբյուլօղլին ապրիլի 27-ին Ֆրանսիայում կայացած թեկնածուների լսումների նիստի ժամանակխայտառակ իրավիճակում է հայտնվել:

Ինչպես հաղորդում է «Արմենպրես»-ը, նիստը նախագահողը զգուշացրել է Բյուլբյուլօղլիին, որ թեկնածուներըպարտադիր կերպով պետք է խոսեն անգլերեն կամ ֆրանսերեն: Դեսպանը գրավոր պատրաստած մի քանինախադասություն կարդալուց հետո, սակայն, ներողություն է խնդրել և անցել է ռուսերենին: «Ինքս գոհ չեմ իմանգլերենի մակարդակից, սակայն կարևորը դա չէ, կարևորը այն է, թե ինչ կա մարդու գլխում»,- նշել է նա:

Բյուլբյուլօղլին չի կարողացել նաև հավուր պատշաճի պատասխանել նիստի ներկաների հարցերին` շարունակշեշտադրելով միայն այն փաստը, իբր պատրաստվում է մեծ գումարներ բերել ՅՈՒՆԵՍԿՕ-ին տարբեր ծրագրերիիրականացման համար:

Ուշագրավ է, որ համաշխարհային ժառանգության պահպանությամբ զբաղվող ամենահեղինակավոր կառույցներիցմեկի` ՅՈՒՆԵՍԿՕ-ի գլխավոր տնօրենի պաշտոնին հավակնում է մի մարդ, ում մշակույթի նախարար լինելու օրոքԱդրբեջանում վայրենաբար ոչնչացվեցին Նախիջևանի՝ Հին Ջուղայի հայկական միջնադարյան խաչքարերը, որոնքՅՈՒՆԵՍԿՕ-ի կողմից ճանաչվել էին Համաշխարհային ժառանգություն: Այս հանցանքի կատարման ամբողջ ընթացքումԲյուլբյուլօղլին բառ անգամ չի արտասանել կատարվածը դատապարտելու կամ այն կանխելու նպատակով:

Բացի այդ, արդեն Ռուսաստանում Ադրբեջանի դեսպանի պաշտոնում նա բազմիցս կիրառել է ռազմականհռետորաբանություն` պատրաստակամություն հայտնելով զենք վերցնել ու կռվել հայերի դեմ:

Կնքվել է Շառլ Ազնավուրի թանգարանի տարածքի նվիրաբերության պայմանագիրը

ՀՀ կառավարության՝  այս տարվա  մարտի  23-ի N 273 — Ա որոշմամբ Երևանի՝ Անտառային փողոցի N 11/4 հասցեում գտնվող  Շառլ Ազնավուրի տուն-թանգարանի համար նախատեսված տարածքը՝ 1224.4 քառ. մետր մակերեսով և զբաղեցրած՝ օգտագործման ու սպասարկման համար անհրաժեշտ  0.1 հեկտար հողամասով,  նվիրաբերվել են «Ազնավուրը» հիմնադրամին՝ բացառապես որպես Շառլ Ազնավուրի թանգարան և մշակութային կենտրոն ծառայեցնելու պայմանով:

ՊԳԿ վարչության մամուլի ծառայությունից հայտնում են, որ այսօր Պետական գույքի կառավարման  վարչությունում Ազնավուր ընտանիքի անդամների մասնակցությամբ հանդիսավորությամբ կնքվել է նվիրատվության պայմանագիրը, որն «Ազնավուրը» հիմնադրամի անունից ստորագրել է տնօրենի ժամանակավոր պաշտոնակատար Քրիստինա Սարկիսյանը, որը Շառլ Ազնավուրի որդի՝ Նիկոլա Ազնավուրի կինն է:

Ստեղծվելիք թանգարանում կպահպանվեն և կցուցադրվեն արվեստի և մշակութային արժեքներ՝ չսահմանափակվելով միայն Շառլ Ազնավուրի կյանքն արտացոլող տեսալսողական նյութերի ցուցադրություններով:

«Ազնավուրը» հիմնադրամի երևանյան մշակութային կենտրոնում  կկազմակերպվեն  մշակութային տարբեր միջոցառումներ, այդ թվում՝ համերգներ, վարպետության դասեր, ֆիլմերի ցուցադրություններ, ֆրանսերեն լեզվի դասընթացներ, սոցիալական այլ  ծրագրեր կիրականացվեն: Կենտրոնում  նաև ձայնագրման ստուդիաներ և գրասենյակներ կգործեն:

Ադրբեջանական զինուժը կրակել է Բաղանիսի եւ Կոթիի վրա

Ադրբեջանական զինուժն ապրիլի 28-ին  կրակել է Տավուշի մարզի Բաղանիս եւ Կոթի գյուղերի վրա: Լրատվամիջոցներին հայտնել է ՀՀ պաշտպանության նախարարի մամուլի խոսնակ Արծրուն Հովհաննիսյանը՝ նշելով, որ  հայկական կողմի պատասխան գործողություններից հետո հակառակորդը հարկադրված լռել է:

«Երեկ երեկոյան, հիմնականում ուշ ժամերին, մինչեւ կեսգիշեր, կրակել են հրաձգային տարբեր տրամաչափի զենքերից, ոչ մեծ քանակությամբ: Կոնկրետ հետեւանքներ չեն եղել»,-armradio.am-ի փոխանցմամբ՝ ասել է Հովհաննիսյանը:

Արծրուն Հովհաննիսյանի խոսքով կրակոցներից վնասվել է Բաղանիսի մի քանի տուն, սակայն, կեսգիշերից հետո, ընդհանուր առմամբ, իրավիճակը հանգիստ է:

Չեխիայի Կարլի համալսարանում բացվել է Հայկական գրադարան

Չեխիայի Կարլի համալսարանի փիլիսոփայական գիտությունների ֆակուլտետի գրադարանում բացվել է Հայկական գրադարան:

 orer.eu կայքը գրում է, որ մոտ 1000 անուն գիրք ունեցող գրադարանի հանդիսավոր  բացումը կատարել են Երևանի պետական համալսարանի ռեկտոր պրոֆ. Արամ Սիմոնյանը և ԿՀ Փիլիսոփայական գիտությունների ֆակուլտետի դեկան դոկտոր Միրիամ Ֆրիեդը։

Հանդիսությանը ներկա են եղել նաև Չեխիայում Հայաստանի դեսպան Տիգրան Սեյրանյանը, ֆակուլտետի գրադարանային համակարգի ղեկավար Կլարա Ռոսլերովան, ով կատարել է հանդիսավոր բացումը։ Այնուհետև նա  խոսքը փոխանցել է ԵՊՀ ռեկտորին, ֆակուլտետի դեկանին և Հայաստանի դեսպանին՝ նախապես շնորհակալություն հայտնելով դեսպանությանը աջակցության և  մասնագետներով օգտակար լինելու հարցում։  Բոլորը ողջունել են ֆակուլտետի Յան Պալախի անվան գրադարանում Հայկական բաժնի բացումը և մաղթել, որ այն նոր հիմք կդառնա ապագա համագործակցության համար։

Ստեփանակերտում տեղի է ունեցել հանրապետական պարային փառատոն. լուսանկարներ

Արցախի Հանրապետության մշակույթի և երիտասարդության հարցերի նախարարության նախաձեռնությամբ այսօր Ստեփանակերտի Վերածննդի հրապարակում տեղի է ունեցել հանրապետական պարային փառատոն՝ նվիրված Պարի միջազգային օրվան:

Փառատոնին մասնակցում էին Արցախի տարբեր շրջաններից, Ստեփանակերտից և ՀՀ-ից ժամանած 32 պարախմբեր՝ 500-ից ավելի մասնակիցներով:

«Արցախպրես»-ի թղթակցի հետ զրույցում ԱՀ մշակույթի և երիտասարդության հարցերի նախարար Նարինե Աղաբալյանն ասել է, որ պարարվեստի զարգացման համար Արցախում արդեն լուրջ նախադրյալներ կան: «Հանրապետության երկու տասնյակից ավելի համայնքներում ունենք պարախմբեր, և այսօր բոլորին հնարավորություն է տրվել՝ ներկայանալու իրենց պարային համարներով: Սա հնարավորություն է տալիս ուսումնասիրելու, թե որ համայնքում ինչպիսի խնդիրներ կան: Պարը նաև համախմբում է բոլորին, մեր միասնական ոգին է ցույց տալիս, և շատ կարևոր է, որ մատաղ սերունդը դաստիարակվի այդ ոգով: Որպես խրախուսում՝ բոլոր այս պարախմբերին հրավիրելու ենք մայիսի 9-ի տոնական համերգին: Այս միջոցառումը շարունակական բնույթ է կրելու»,- մասնավորապես ասել է Ն. Աղաբալյանը և նշել, որ փառատոնի նպատակը մշակութային ժառանգության և ինքնության պահպանումն է:

«Արցախ» ազգային պարի համույթի անդամ Արևիկ Սարգսյանն ասել է, որ տարիներ առաջ իր համար երազանք էր Արցախում պարի փառատոնի անցկացումը:

 «Այս ամենը հուզիչ է, որովհետև այսօր Վերածննդի հրապարակում ազգային պարն է թնդում, որը հայապահպանության կարևոր արժեքներից է»,-ասել է Ա. Սարգսյանը:


Քաշաթաղի շրջանի Բերձոր քաղաքի սիրողական պարի խմբի անդամ Ժիրայր Հակոբյանն էլ նշել է. «Բերձորի համար 2 դպրոցի մանկավարժներն են ընդգրկված մեր սիրողական պարի խմբում: Շատ ուրախալի և ոգևորիչ է այսքան երիտասարդ հայորդիներ տեսնելը, ովքեր տիրապետում են ազգային պարարվեստին: Շատ ուրախ ենք, որ մեր երիտասարդությունը խնջույքների ժամանակ ևս կանոնավոր շարժումներով ազգային պարեր է պարում»:

Հադրութի շրջանի Տող գյուղի արվեստի դպրոցի պարի դասատու Անահիտ Բաղդասարյանը մեզ հետ զրույցում ասել է, որ պարը մեր զենքն է, մեր ինքնությունը, տրամադրությունը: «Արցախում մի քանի տարի առաջ ազգային պարն այսչափ տարածված չէր, ու չկային այսքան շատ պարախմբեր: Այսօր մենք տեսնում ենք մեծ թվով մասնակիցների, ովքեր գրագետ տիրապետում են ազգային պարերին և հասկանում են, թե ինչ են պարում»,-նշել է Ա. Բաղդասարյանը:


Փառատոնին ներկա էր նաև ԱՀ նախագահ Բակո Սահակյանը, պաշտոնատար այլ անձինք:

Նամակ Հայ զինվորին. գրում են Վիրահայոց թեմի «Սբ. Գրիգոր Նարեկացի» շաբաթօրյա դպրոցի սաները

«Հայերն այսօր»-ն իր ընթերցողներին է ներկայացնում Վիրահայոց թեմի «Սբ. Գրիգոր Նարեկացի» շաբաթօրյա դպրոցի սաների նամակները՝ ուղղված Հայոց բանակի զինվորներին:

***

ԵՍ  ԶԻՆՎՈՐ  ԵՄ

Ես զինվոր եմ, մարտիկ՝ պաշտպանը մեր սուրբ հայրենիքի…

Ինձ գեղեցիկ ու շքեղ բառեր հարկավոր չեն, որպեսզի արտահայտեմ իմ սերն ու հարգանքը իմ զինվոր-եղբայրների նկատմամբ:

Ի՛մ փոքրիկ՝ մի բուռ հող հայրենի, ի՛մ դրախտավայր, ի՛մ սրբավայր…

Ահավոր ցավ եմ ապրում ոչ միայն իմ նախնիների համար, ովքեր արյուն են թափել մեր սուրբ հայրենիքի պաշտպանության համար, նաև նրա համար, որ մենք՝ ինքներս ենք մեզ ոչնչացնում՝ մոռանալով մեր լեզուն…

Ես զինվոր եմ՝ զինվոր պայծառ ապագայի մեծ հավատով: Ինչպես մեծն Գարեգին Նժդեհն է ասել, որ թուրքն այնքան վտանգավոր չէ մեզ համար, որքան նրան աջակցող ոմն հայեր… Դավաճաններ, որոնք ուրանում են մեր սուրբ հավատը, մեր մայրենին՝ հայոց լեզուն…

Այո՛, իմ սիրտը արյուն-արցունք է լցվում այս ամենի համար… Շատերն անտարբերությամբ ասում են, որ բավական է տառապել ու հիշել այն, ինչ տեղի է ունեցել հարյուր տարի առաջ:

Ո՛չ, չի կարելի մոռանալ, քանի որ դա մեծ ողբերգություն է, մի ողջ ազգի ոչնչացում, անբուժելի սրտի ցավ ու կսկիծ…

Ուրեմն՝ ինչպե՞ս… հայը կորցրել է հավատը իր նկատմամբ, որ չի խոսում իր մայրենի լեզվով, դադարում է հայ կոչվելու իրավունքից:

Իսկ ես՝ զինվորս, իմ մարտական զինվոր-եղբայրների հետ, կրծքերիս պահած մեր սուրբ խաչը, կպայքարենք, կկռվենք բոլոր նրանց համար, ովքեր մեզ հավատում են, ովքեր արցունք ու արյուն են թափել մեր մայր հայրենիքի՝ Հայաստանի համար…

Գիտեմ, տանն ինձ սպասում է իմ սիրասուն մայրը, քույրս, իմ սիրած աղջիկը: Թո՛ղ թշնամու գնդակը խրվի կուրծքս, բայց ես անպայման կդառնամ իմ ազգի հերոսը, չեմ հանձնվի՝ հանուն մեր փառապանծ զորավարների, մեր սուրբ հողի, մեր քրիստոնյա սուրբ հավատի, մեսրոպատառ ոսկեղենիկ հայոց լեզվի: Ես մահին կդիմավորեմ որպես մեծ պարգև՝ հանուն իմ հայոց ազգի ու հայրենիքի:

Ես հպարտությամբ ու մեծ բաղձանքով կուզեմ, որ իմ շիրմաքարի վրա փորագրված լինի միմիայն երկու բառ… «Ես զինվոր եմ»:

Ալլա Ավետիսովա

Վիրահայոց թեմի «Սբ. Գրիգոր Նարեկացի» շաբաթօրյա դպրոցի սան

Ուսուցչուհի՝ Թամարա Գաբոյան

***

ՀԱՅ  ԶԻՆՎՈՐ

Հայ զինվո՜ր…

Որքա՜ն վեհ ու խրոխտ է հնչում… Զինվո՛ր է, այո՛, ողջ հայ ժողովուրդը: Դարեր շարունակ՝ մինչ օրս հայը զինվոր է եղել: Հայկ Նահապետի ժամանակներից, հայ կոչվելուց ի վեր, կռվել ու պայքար է մղել, պահպանել է իր ինքնությունն ու ազատությունը:

Հայը պաշտպանվել է իր դարավոր ու անհամար ոխերիմ թշնամիներից՝ ասորի, հռոմեացի ու բյուզանդացի, պարսիկ ու մոնղոլ, թուրք-սելջուկ, արաբ ու թուրք…

Հայը դարձել է կամավոր զինվոր և կռվել մինչև արյան վերջին կաթիլը, բայց չի հանձնվել, պահել է իր սուրբ հավատը քրիստոնյա, պահպանել է մեսրոպյան ոսկեղենիկ մայրենի լեզուն՝ մեր մայրենին, որ յուրաքանչյուրիս համար թանկ ու նվիրական է մեր սուրբ մայրերի նման…

Այսօր էլ, Արցախում մեր քաջարի մարտիկները անձնվիրաբար կռվում են ու պաշտպանում մեր մայր հայրենիքի սահմանները: Կռվում են ու հերոսաբար զոհվում այն գիտակցությամբ, որ հայրենիքի համար կռվելն ու զոհվելը սրբություն է, անմահություն…

Շատ ու շատ երիտասարդ զինվորներ զոհվել են ու զոհվում են «ծաղիկ» հասակում: Նրանցից շատերը ծնողների միակ զավակներն էին, շատ-շատն էլ զոհվել է սիրած աղջկա առաջին համբույրի կարոտը սրտում:

Այո՛, այսպիսին է մեր հայ զինվորը, որ մեր նախնիների պայծառ օրինակով է շարունակում պաշտպանել շատ թանկ գնով ձեռք բերած մեր հինավուրց ու նոր մայր հայրենիքը՝ Հայաստանը:

Մեր քաջ ու խիզախ զինվորների սխրանք-հերոսությունները մեզ համար վառ ու կենդանի օրինակ են նմանվելու նրանց: Մենք պարտավոր ենք բարձր պահել մեր ազգի արժանապատվությունը: Պիտի սիրենք ու պաշտպանենք մեր սուրբ հայրենիքը և լինենք նրա արժանի զավակները:

Սիմոնյան Էլլա

Վիրահայոց թեմի «Սբ. Գրիգոր Նարեկացի» շաբաթօրյա դպրոց

Ուսուցչուհի՝ Թամարա Գաբոյան

Շնորհակալ եմ, իմ անծանոթ հարազատ. Հայ զինվորին գրում են Նինոծմինդայի հանրային դպրոցի աշակերտները

«Հայերն այսօր»-ն իր ընթերցողներին է ներկայացնում Նինոծմինդայի թիվ 1 հանրային դպրոցի աշակերտների նամակները՝ ուղղված Հայոց բանակի զինվորներին: 

***

Նամակ Հայոց բանակի զինվորին

Ողջո´ւյն, իմ անծանոթ եղբայր,

Մենք իրար չգիտենք, բայց ես շատ բան գիտեմ քո մասին: Գիտեմ, որ անդուլ հսկում ես հայրենիքի սահմանները և պատրաստ ես կրծքով պաշտպանել նրա ամեն մի թիզ հողը: Գիտեմ, որ քաջ ես, գիտակցում ես, որ պաշտպանն ես Հայաստանի խաղաղ երկնքի, քո ընտանիքի, բոլոր օջախների անդորրը: Տեղյակ եմ, որ տիրապետում ես ժամանակակից զենքին, մարտունակ ես և գրագետ, խիզախ ու նվիրված ու չես երկնչի թշնամու դեմ: Դու դա բազմիցս ես ապացուցել և ապացուցեցիր վերջին անգամ ևս, երբ ոսոխը, խախտելով իր իսկ խնդրած հրադադարը՝ հարձակվեց մեզ վրա…

Հարձակվեց՝ կրկին տիրելու մեր պատմական Արցախ աշխարհին, ոչնչացնելու նրա հերոսական, աշխատասեր ժողովրդին: Ի~նչ կլիներ, եթե դու երերայիր մի պահ, երկնչեիր նրա առաջ, թողնեիր դիրքերդ…

Երևի քանդված Թալիշը կբազմապատկվեր, որ ավերակների վերածվեց ուխտադրուժ հարձակումով՝ անսպասելի և դաժանաբար:

Սիրելի զինվոր, կուրծքդ՝ նավթադոլարներով ձեռք բերված հզոր զենքին, չխնայելով ամենաթանկը՝ սեփական կյանքդ, դու արժանի հակահարված տվիր Թալեաթի ու Էնվերի թոռներին, ապացուցեցիր քո գերակայությունը՝ շարժելով ողջ աշխարհի հիացմունքն ու զարմանքը…

Հեշտ չէ նռնակով տանկ ոչնչացնելը և ինքնամոռաց հայրենասիրությամբ մարտի նետվելը, իմանալով, որ վտանգի տակ է սեփական կյանքդ: Ախր դու ինձանից մեծ ես ընդամենը մի քանի տարով: Դեռ նոր ես ճաշակելու կյանքի հաճույքները, ուսում ստանալու, մասնագիտության տիրապետելու, երջանկացնելու քո ծնողներին, սիրած աղջկան…

Իմ հարազատ,

Ինչքան եմ ցավում ընկերներիդ կորստյան համար: Ինչքան աղոթում՝ նրանց հոգու հանգստության, մայրերին ու քույրերին մխիթարություն ցանկանում, ամուր կամք՝ հայրիկներին, որոնք պատրաստ են շարունակելու իրենց հերոս որդիների սկսած հայրենանվեր գործը:

Բայց դու կանգուն ես: Կանգուն ես՝ Վարդան Մամիկոնյանի սրբացած հերոսների պես, Եռաբլուրում անթեղված Արցախյան հերոսամարտի նահատակների նման, բոլոր այն հայերի, որոնք իրենց կյանքի և ո’չ մի օրը առանց ազատ և անկախ Հայաստանի և Արցախի չեն պատկերացնում:

Ես ևս: Թեև ապրում եմ Վրաստանում, սակայն պատրաստ եմ չափահաս դառնալուն պես գալ և զինվորագրվել  Հայոց բանակին, դառնալ նրա անբաժանելի մասնիկը, հարկ եղած դեպքում՝ կյանքով և արյամբ արժանի զավակ լինել իմ ժողովրդին, կռվել՝ անսասան ու անառիկ պահելու մեր Հողն ու Հայրենիքը, մեր մայրերին ու մանուկներին, բոլոր-բոլոր հայերին, որտեղ էլ որ նրանք ապրեն:

Բարին ընդ քեզ, խաղաղություն մեր հողին, շուտափույթ հանդիպում հերոսական Հայոց բանակի շարքերում…

Եղբայրդ՝ Արման:

Արման Նռանյան

Նինոծմինդայի թիվ 3 հանրային

Դպրոցի  VIII դասարանի աշակերտ,

Նինոծմինդա, Խոջաբեկ թաղամաս

*** 

Հայ հերոս զինվորին

Դու մեր պարծանք, ազգի զինվոր,

Պաշտպան հողի հայրենական,

Մոր կաթի պես սուրբ, անարատ,

Դու պահեցիր հողը հայկյան:

Կրծքով ելար ոսոխի դեմ,

Պատնեշ դարձար մի անխորտակ,

Քո տաք սրտով պատանեկան

Անտեսեցիր վախ ու սարսափ:

Սուրբ Վարդանի ոգով օծված,

Հայի որդի’, կռվի ելար,

Ափսոս, հեղվեց արյունը տաք՝

Ընկերներիդ՝ քաջ հարյուրյակ:

Անեղծ պահած մեր հողն Արցախ,

Հիմա տունդ ես վերաշինում,

Որպես հերոս՝ Ազգի պարծանք,

Մեր սրտերն ես փառավորում:

Վիոլետա  Ղարագուլյան

Նինոծմինդայի  թիվ 1 հանրային

դպրոցի  XII դասարան,

գյուղ Մեծ  Խանչալի

***

Նամակ Հայ  Զինվորին 

Ողջույն, հայոց բանակի զինվո’ր:

Հիմա ինձ համար մեծ պատիվ է, որ ես կարող եմ իմ սրտի խոսքերն ուղղել քեզ և իմ  խորին շնորհակալությունը հայտնել:

Թեև ուշացած, բայց նախ ուզում եմ շնորհավորել քո Ամանորը և Սուրբ Ծնունդը: Թող այս տարին լինի միայն առողջության և խաղաղության տարի:

Մենք հպարտ ենք, որ քո նման խելացի, անվախ, քաջ, առյուծասիրտ զինվոր ունենք, ով պատրաստ է իր կյանքը նվիրել հայրենիքին և պաշտպանել մի ամբողջ ազգ:

Դու թողնելով քո ընտանիքը, սիրելիներին , օր ու գիշեր կանգնած սահմանին՝ քո հայրենի հողն ես պաշտպանում: Ես շատ հպարտ եմ, որ քո նման եղբայր ունեմ, քեռի, հորեղբայր և հայրենակից:

Ուզում եմ շնորհակալություն հայտնել քո ծնողներին, ովքեր հայեցի են դաստիարակել քեզ և միայն հայրենասիրական ոգի են ներշնչել:

Ուզում եմ, որ դու քեզ լավ նայես, միշտ տոկուն լինես և երբեք չերկնչես թշնամու դիմաց: Միշտ պայքարես և հասնես ավելիին, թող ժպիտը քո դեմքից անպակաս լինի: Միշտ ժպտա և իմացի, որ քո ժպիտը շատ բան կարող է փոխել:

Երբ դու ուրախ ես, խաղաղ և առողջ – ուրախ ենք և մենք: Իմ ցանկությունն է, որ խաղաղությամբ ծառայես և անվնաս հասնես քո ընտանիքին:

Աստված քեզ պահապան լինի , սիրելի զինվոր, միշտ հպարտ եղիր, անվախ և առողջ:

Եվ իմացիր, որ քեզնով հպարտանում է մի ամբողջ ազգ:

Քո քույր  Լարիսա :

Լարիսա Նանայան

Նինոծմինդայի թիվ 1 հանրային դպրոց,

Նինոծմինդա, Մաշտոցի, 6

***

Բարի’ լույս, զինվո’ր

Օրդ բարի  թող սկսվի, որովհետև դու ապահովել ես իմ խաղաղ գիշերը: Շնորհակալ եմ, իմ անծանոթ հարազատ…

Հիմա ես դպրոց եմ շտապում ու որոշել եմ, երբ մեծանամ, ինչ էլ որ դառնամ՝ միևնույն է. ազնիվ ու իմ գործին անսահման նվիրված մարդ կլինեմ, ինչպես դու:

Նամակս հատկապես քեզ է ուղղված՝ հայրենիքի սահմաններն հսկող քաջարի’ զինվոր: Ես ամեն օր լուրերով լսում եմ քո մասին ու հպարտանում քեզանով: Հասկանում եմ՝ դժվար է: Գիշեր է, ցուրտ, իսկ գործը՝ պատասխանատու: Փորձում եմ ինձ պատկերացնել քո փոխարեն: Կկարողանայի լինել այդպիսին՝ աչալուրջ, քաջ ու հերոսական, ինչպիսին դու էիր ապրիլյան քառօրյա պատերազմում, ինչպիսին հիմա ես և շարունակում ես այսօր էլ պաշտպանել հայրենիքի սահմանները:

Դու անպարտ ես, հարազատ, անծանո’թ եղբայր, որովհետև ունես պարտք, գիտես, որ գնացել ես պաշտպանելու քո տունը, ընտանիքի պատիվն ու խաղաղությունը, քո հայրենիքի խաղաղ քունը:

Ես քո փոքրիկ քույրն եմ, ապրում եմ Վրաստանի  հայաշատ քաղաքներից մեկում ու սիրում, հավատում եմ քեզ, քո ուժին…

Կարինե Կարագուլյան

Նինոծմինդայի թիվ 1 հանրային

դպրոցի  VI դասարան

գյուղ  Մեծ Խանչալի

***

Նամակ անծանոթ հայ զինվորին

Բարի օր քեզ, հայոց բանակի իմ սիրելի զինվոր: Գիտես, ինչքան եմ մտածել, մինչև որոշել եմ քեզ նամակ գրել:

Ես ապրում եմ Վրաստանում, Նինոծմինդա քաղաքում: Սովորում եմ թիվ 2 հանրային դպրոցում:

Ամեն երեկո, երբ հայրիկիս հետ հեռուստացույց եմ նայում՝ առաջինը մտածում եմ, թե թշնամիները հո նորից դավադրաբար հայ զինվոր չեն վիրավորել:

Ես գիտեմ, որ դու շատ քաջ ես և անվախ, գիշեր ու զօր պաշտպանում ես մեր Հայաստանի սահմանները: Անցյալ տարի, երբ թշնամին հարձակվեց Արցախի վրա, քո ընկերները հերոսաբար զոհվեցին, բայց թույլ չտվեցին ազերիներին խլել մեր հողը: Երբ մեր Սուրբ Սարգիս եկեղեցում դրամահավաք կազմակերպվեց, ես և հայրիկս գնացինք և ցուցակագրվեցինք: Մեր օգնությունը ուղարկվեց Գյումրի քաղաքի զոհված զինվորների ընտանիքներին:

Ես քեզ շատ-շատ եմ սիրում, ուզում էի ամանորին նվեր ուղարկել, բայց չգիտեի՝ ում հետ: Տատիկիս էլ խնդրել էի, որ տաք գուլպաներ գործի, որ ձմռանը չմրսես: Մենք ընկերներով որոշել ենք լավ սովորել, անպայման ծառայել Հայոց բանակում և հաղթել անարգ թշնամուն: Հայրիկս ասում է. «Սուրբ  է մեր հողը, այն պետք է հետ վերցնել ոսոխի ճանկերից և դրա համար չպիտի խնայել սեփական կյանքը… Ինչպես դու չես  խնայում, իմ ավագ եղբայր»:

Դու իմ փարոսն ես, ընկերներով միշտ խոսում ենք քո մասին: Քո քաջությունն է պաշտպանում հայոց հողը, նրա խաղաղ կյանքը: Իմացիր, որ քեզանով հպարտանում են ոչ միայն Հայաստանի, այլ ողջ աշխարհի հայ մանուկները: Դու իսկական հերոս ես: Խաղաղ ծառայություն քեզ և բարի վերադարձ քո հայրիկի և մայրիկի մոտ:

Քո անծանոթ փոքրիկ եղբայր՝ Գարիկ

Գարիկ Մխիթարյան

Նինոծմինդայի թիվ 2 հանրային

 դպրոցի  III դասարանի աշակերտ,

Նինոծմինդա, Ազատություն , 19

Շարունակվում է «Մաքուր և կանաչ Հայաստան» շարժումը

Ապրիլի 25-ին՝ մեր կազմակերպած «Մաքրության ակցիայից» 3 օր անց, մենք նորից գնացինք Հաղթանակի զբոսայգի, որտեղ այս անգամ էլ մեզ համար բավականին գործ էր հավաքվել։

«Մայր-Հայաստան» հուշարձանի տարածքում այս գարնանը մենք 4 «աշխատան­քային դեսանտ» ենք իրականացրել, և մեր նախագիծն այս վայրում և այս փուլում համարում ենք ավարտված։
Հուսով ենք, որ զբոսայգու այցելուները կսովորեն աղբը նետել մոտակա աղբամանները, և մենք ստիպված չենք լինել նորից ու նորից գալու այստեղ։
Երևանում բավականին տեղեր կան, որտեղ մենք ուզում ենք հասնել։

Նախաձեռնության հեղինակ՝ Նաիրա Ավետիսյան

%d5%b4%d5%a1%d6%84%d5%b8%d6%82%d6%80%d5%b4%d5%a1%d6%84%d5%b8%d6%82%d6%801%d5%b4%d5%a1%d6%84%d5%b8%d6%82%d6%802%d5%b4%d5%a1%d6%84%d5%b8%d6%82%d6%803%d5%b4%d5%a1%d6%84%d5%b8%d6%82%d6%804 %d5%b4%d5%a1%d6%84%d5%b8%d6%82%d6%805 %d5%b4%d5%a1%d6%84%d5%b8%d6%82%d6%806 %d5%b4%d5%a1%d6%84%d5%b8%d6%82%d6%807

Ավստրիայի արտգործնախարարն ընդունել է հայկական համայնքի ներկայացուցիչներին

Ավստրիայում Հայ Առաքելական եկեղեցական համայնքի ձևավորման ավելի քան 100 տարիների և Վիեննայի Սուրբ Հռիփսիմե եկեղեցու հիմնադրման 50 ամյակի զուգահեռներով ապրիլի 24-ին Ավստրիայի արտգործնախարար պարոն Սեբաստիան Քուրցը ընդունեց Ավստրիայի Հայ Առաքելական համայնքի վարչության ատենապետի գլխավորած պատվիրակությանը: Ինչպես «Հայերն այսօր»-ին հայտնում են համայնքից, հանդիպման ընթացքում Արտգործնախարարը հայտնեց իր խորին երախտագիտությունն ու շնորհակալությունը Ավստրիայում Հայ Առաքելական եկեղեցական համայնքին երկկողմ հարաբերությունների ամրապնդման և խորացման համար:

Ցանկանում ենք յուրահատուկ նշել երջանկահիշատակ Մեսրոպ արքեպիսկոպոս Գրիգորյանի և ներկայիս մեր հոգևոր առաջնորդ Հայրապետական պատվիրակ Տեր Տիրան Վարդապետ Պետրոսյանի դերը հայ-ավստրիական հարաբերությունների զարգացման և մեր ժողովուրդների միջև բարեկամական հարաբերությունների ձևավորման գործում: Այս օրերին Տեր Տիրան Վարդապետ Պետրոսյանը ավստրիական մի շարք առաջատար լրատվամիջոցների ներկայացուցիչների հետ միասին գտնվում է Հայստանում, Հայաստանի և Հայոց ցեղասպանության զոհերի հիշատակի միջոցառումների մասին ավստրիական պետական հեռուստատեսության և ռադիոյի համար հատուկ հաղորդաշար պատրաստելու նպատակով: ՀԱԵՎ կողմից Ավստրիայում կազմակերպված և իրականացված բազմաթիվ միջոցառումների շնորհիվ մեծ թվով ավստրիացիներ հնարավորություն են ստացել ծանոթանալու հայ մշակութային, եկեղեցական և ազգային արժեքների հետ:

«Ավտրիահայ համայնքի ձևավորման և զարգացման գործում իրենց ուրույն դերն են ունեցել նաև ՀԱԵ ներկայացնող մեր բարձրաստիճան հոգևոր առաջնորդները, որոնց շնորհիվ հաջողվել է Ավստրիայում բնակվող  հայերի սրտում ոչ միայն վառ պահել քրիստոնեկան հավատքի սուրբ  ճրագը, այլ նաև դաստիարակել համամարդկային արժեքներին հավատարիմ հայ զավակներ ( ոչ մեկ սերունդ)», – ասաց Ավստրիայի Հայ Առաքելական եկեղեցական համայնքի ատենապետ Վահագն Ամիրջանյանը:

ՀԱԵՎ Ավստրիայում Հայաստանի Հանրապետության դեսպանատան հետ համատեղ իրականացնում է զանազան ձեռնարկներ, որոնք կոչված են նպաստելու հայ և Ավստրիացի գործարարների, կրթական, բժշկական, մշակութային, տնտեսական և քաղաքական ոլորտների պատասխանատուների միջև սերտ կապեր և հարաբերությունների հետագա զարգացման համար անհրաժեշտ նախադրյալներ ստեղծելուն:

Վահագն Ամիրջանյանը հայտնեց հայ ազգի անունից իր խորին շնորհակալությունը Ավստրիական կառավարությանը Սիրիայից փախստականների  ընդունման և աջակցման համար: Նրանց թվում բազմաթիվ հայեր կան,  որոնց  նախնիները  քսաներորդ դարասկզբի Հայոց  ցեղասպանության օրերին Պատմական Հայաստանի տարածքից գաղթել էին Սիրիա և ապաստան գտել այնտեղ: Ցավոք, այսօր ևս նրանց զավակները ստիպված են արտագաղթելու, և ցանկանում եմ նշել, որ ավստրիայի հայ համայնքը ևս քայլեր է ձեռնարկում սիրիահայերի ինտեգրման գործընթացին՝ ապահովելով ներգաղթյալների բժշկական, սոցիալական և իրավաբանական անվճար խորհրդատվություններ, գերմաներեն լեզվի անվճար դասընթացներ և այլն:

Հայ Առաքելական եկեղեցական համայնքի ատենապետ Վահագն Ամիրջանյանը առանձնահատուկ շնորհակալություն հայտնեց Ավստրիայի խորհրդարանի պատգամավորներին, որոնք 2015թ.ապրիլի 23-ին՝ Հայոց ցեղասպանության 100-րդ տարելիցի շեմին,  ճանաչեցին Օսմանյան Թուրքիայում 1915թ. տեղի ունեցած ցեղասպանության փաստը՝ դատապարտելով Օսմանյան Թուրքիայի կողմից հայ ժողովրդի նկատմամբ իրականացված ոճրագործությունը և դրանով իսկ մեկ անգամ ևս ապացուցելով Ավստրիական Հանրապետության նվիրվածությունը համամարդային, եվրոպական և մարդասիրական արժեքներին, ինչպես նաև պետության կառավարման դեմոկրատական և արդար սկզբունքներին:

Մոտ ապագայում սպասվում է Ավստրիայի արտգործնախարար պարոն Սեբաստիան Քուրցի այցը Վիեննայի Սուրբ Հռիփսիմե եկեղեցի, ում պաշտոնական հրավեր է ուղարկել Կենտրոնական Եվրոպայի և Սկանդինավիայի երկրներում Հայրապետական պատվիրակ, Հոգեշնորհ Տ. Տիրան վարդապետՊետրոսյանը:

12456 7891011 12

 

Հայկական գորգի ճամփան. Հայաստանի համայնքներից՝ աշխարհին. լուսանկարներ

Հայաստանի մանուկներ հիմնադրամը (COAF) և «Մեգերյան Կարպետ» ընկերությունը մեկնարկ տվեցին նոր  բարեգործական ծրագրի՝ նվիրված Մեգերյան ընկերության 100-ամյա հոբելյանին։

Ինչպես «Հայերն այսօր»-ին հայտնում են հիմնադրամից, «Մեգերյան կարպետ» ընկերության հմուտ գորգագործների օգնությամբ Հայաստանի մանուկներ հիմնադրամի շահառու Վանանդ համայնքի երիտասարդները մի քանի ամսվա ընթացքում միասին կաշխատեն հոբելյանական գորգի ստեղծման վրա։

«Շատ ուրախ եմ այս համագործակցության համար, որը հնարավորություն կտա երիտասարդ սերնդին ծանոթացնելու հայկական հնագույն մշակույթի ճյուղերից մեկի՝գորգագործության հետ, և հիանալի է,որ այս ծրագիրն իրագործում ենք իմ շատ վաղեմի բարեկամ Գարո Արմենի կողմից հիմնադրված Հայաստանի մանուկների հիմնադրամի հետ»,- ողջույնի խոսքում նշեց «Մեգերյան»ընկերության սեփականատեր Րաֆֆի Մեգերյանը։

Արդեն դեկտեմբերին եզակի այս գորգը կցուցադրվի ԱՄՆ-ում՝ ՆյուՅորքում անցկացվող COAF-ի ամենամյա դրամահավաք-երեկոյի ընթացքում։ Գորգը կվաճառվի բարեգործական միջոցառման աճուրդի ժամանակ, ու հասույթը ամբողջովին կծառայի Հայաստանի մանուկներ հիմնադրամի ծրագրերին։

«Այս համագործակցությունը մի նոր որակ է հաղորդում Հիմնադրամի ու «Մեգերյան» ընկերության վաղեմի բարեկամությանը։ Հայաստանի երիտասարդներըծանոթանում են հայկական հնագույն արհեստներից մեկին՝ գորգագործությանը։ Ավելին, նրանց բացառիկ հնարավորություն է տրվում սովորելու այդ արվեստը Հայաստանի ամենահեղինակավոր ու հմուտ կառույցներից մեկում»,- ընդգծեց Հայաստանի մանուկներ հիմնադրամի խորհրդի ատենապետ դոկտոր Գարո Արմենը։

Համատեղ ծրագրի մեկնարկը տվող միջոցառման ընթացքում Հիմնադրամի շահառու համայքների արտադասարանային խմբակների 80 սաներ՝ ազգագրություն, ձեռագործություն, գորգագործություն, անգլերեն, այցելեցին Մեգերյան Կարպետ։ Նրանց համար անցկացվեց ուսուցողական շրջայց Հովհաննես և Նոեմի Մեգերյանների անվան թանգարանում, ինչպես նաև ընկերության արտադրամասում, որտեղ նրանք ծանոթացան հայկական գորգագործության ավանդույթներին։

Շրջայցից հետո մասնակիցների համար գեղեցիկ անակնկալով հանդես եկան «Մեր Տուն» ՀԿ-ի սաներն ու Վանանդի ազգագրության խմբակի անդամները՝ ներկայացնելով հայկական հարսանեկան ծեսը։

img_1119 img_1147 img_1181 img_1290 img_1346 img_1388 img_1403 img_1455 img_1477 img_1583

Խրիմյան Հայրիկին նվիրված հիշատակի հանդիսություն Լիբանանում

Մայիսի 3-ին, ժամը՝ 20:00-ին, Լիբանանի Ազգային առաջնորդարանի «Երջո Սամուելյան-Եռագույն» սրահում կկայանա հիշատակի հանդիսություն՝ Խրիմյան Հայրիկի կաթողիկոս ընտրվելու 125 և մահվան 110-ամյակի առիթով:

«Հայերն այսօր»-ի փոխանցմամբ՝ միջոցառումը կնախագահի Լիբանանի Հայոց թեմի առաջնորդ գերաշնորհ տեր Շահե եպիսկոպոս Փանոսյանը: Օրվա բանախոսն է Լ. և Ս. Հակոբյան ազգային քոլեջի տնօրեն Վիգեն Ավագյանը:

Երեկոյի գեղարվեստական մասում ելույթ կունենա Համազգայինի «Այգ» երգչախումբը (խմբավար՝ Զաքար Քեշիշյան):