Լիբանանահայութիւնը Սուրիահայութեան Օգտին Հանգանակեց 127,600 Տոլար

Մեկնելով այն իրականութենէն, որ սուրիահայութիւնը ներկայիս կը դիմագրաւէ մեծ դժուարութիւններ եւ սուրիահայ գաղութը այս պատճառով դարձած է համայն հայութեան ուշադրութեան կեդրոնը, զարմանալի պիտի չըլլար, որ լիբանանահայութիւնը սրտաբուխ կերպով մասնակցէր դրացի գաղութի օգնութեան կանչին:

Երեքշաբթի, 28 մայիսի առաւօտեան կանուխ ժամերէն այս նպատակով «Վանայ ձայն»-ին ընդմէջէն կազմակերպուեցաւ յատուկ ռատիոթոն, որուն լիբանանահայութիւնը համաժողովրդային մասնակցութիւն բերաւ: Առաւօտեան ժամը 10:00-ին Մեծի Տանն Կիլիկիոյ Արամ Ա. կաթողիկոս այս առնչութեամբ լիբանանահայութեան յղեց իր պատգամը:

Ռատիոթոնին իբրեւ արդիւնք սուրիահայութեան օգտին հանգանակուեցաւ 127,600 տոլար:

ՀՅԴ ԼԻԲԱՆԱՆԻ ԿԵԴՐՈՆԱԿԱՆ
ԿՈՄԻՏԷԻ ՏԵՂԵԿԱՏՈՒ ԳՐԱՍԵՆԵԱԿ

«Ազդակ»

Scroll Up