Պետական Յանձնաժողովի Քարտուղարը Հեռակապով Մասնակցեցաւ 100-ամեակի Նիստին

Հայոց ցեղասպանութեան 100-ամեակի Լիբանանի կեդրոնական մարմինի հերթական նիստը տեղի ունեցաւ ուրբաթ, 20 դեկտեմբեր 2013-ին, երեկոյեան ժամը 17:00-ին, «Ազդակ»-ի «Արսէն Չաղլասեան» ժողովասենեակին մէջ:

Նիստին հեռակապով մասնակցեցաւ Հայոց ցեղասպանութեան 100-ամեակի պետական յանձնաժողովի քարտուղար Հայկ Դեմոյեան:

Նիստի օրակարգը առաւելաբար զեկուցական էր: Հայկ Դեմոյեան զեկուցեց յանձնաժողովի նախատեսած ծրագիրներուն մասին: Իր կարգին, մարմինի ատենապետը զեկուցեց Լիբանանի մէջ 2014 տարուան ընթացքին ծրագրուած ձեռնարկներուն եւ աշխատանքներուն մասին, որմէ ետք խորհրդակցութիւնները կեդրոնացան յառաջիկայ տարուան ընթացքին Ցեղասպանութեան թանգարանի եւ Լիբանանի կեդրոնական մարմինի համատեղ իրականացուելիք ծրագիրներուն վրայ:

Տեսաժողովի այս ձեւը պարբերաբար պիտի իրականանայ 100-ամեակի ժողովական ընդհանուր դրութեան մէջ:

http://www.aztagdaily.com

Scroll Up