«Շնորհակալությո′ւն, հայ զինվոր». բարեգործական համերգին ներկա կլինեն ծանր վիրավորում ստացած տղաները

ՀՀ մշակույթի նախարարության եւ «Դիրքապահ» հասարակական կազմակերպության նախաձեռնությամբ հունվարի 24-ին, ժամը 19:00-ին Արամ Խաչատրյան համերգասրահում տեղի կունենա «Շնորհակալությո′ւն, հայ զինվոր» բարեգործական համերգը՝ Քառօրյա պատերազմի մասնակիցներին բարոյապես եւ ֆինանսապես աջակցելու նպատակով. համերգի տոմսերի ողջ հասույթը կփոխանցվի վերականգնողական նոր կենտրոնի կառուցմանը։

Ինչրպես «Հայերն այսօր»-ին հայտնում են Մշակույթի նախարարությունից, համերգին ներկա կլինեն հայրենիքի պաշտպանության համար ծանր վիրավորում ստացած տղաները։ Ապրիլյան քառօրյա պատերազմի մասնակիցների «Դիրքապահ» հասարակական կազմակերպության ղեկավարների մեջ եւս կան հայրենիքի պաշտպանության ժամանակ ծանր վիրավորվածներ, որոնք անձամբ են մասնակցում այս ծրագրի իրականացմանը։

Մշակույթի նախարար Արմեն Ամիրյանը եւ խորհրդական Արսեն Գրիգորյանը դեկտեմբերի սկզբին «Դիրքապահ» միավորման նախագահ Մանուէլ Մանուկյանի ուղեկցությամբ այցելել են Ապրիլյան քառօրյա պատերազմի այն մասնակիցներին, որոնք առողջության վերականգնողական փուլում են։

Scroll Up