Երկրպագության համար դուրս կբերվեն Ս. Հովհաննես Մկրտչի մասունքները

%d5%b4%d5%a1%d5%bd%d5%b8%d6%82%d5%b6%d6%84%d5%a1%d6%80%d5%a1%d5%b6

Ս. Հովհաննես Մկրտչի գլխատման տոնին` ապրիլի 22-ին, ժամը 10:30-ին, Գեղարքունյաց թեմի Գավառի Ս. Կարապետ եկեղեցում կմատուցվի Ս. Պատարագ` հանդիսապետությամբ առաջնորդական տեղապահ Հոգեշնորհ Տ. Կիրակոս վարդապետ Դավթյանի: 2016 թվականին այս տոնը հռչակվել է թեմի Ս. Կարապետ եկեղեցու ուխտի օր: Այս մասին «Հայերն այսօր»-ին հայտնում են Մայր Աթոռ Ս. Էջմիածնի տեղեկատվական համակարգից:

Այս առիթով, Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի օրհնությամբ, Մայր Աթոռ Սուրբ Էջմիածնից հանդիսավոր կերպով եկեղեցի կտարվի համաքրիստոնեական սրբի մասունքներն ամփոփող մասնատուփը:

Սրբի մասունքները եկեղեցում կմնան մինչև 17:00-ը` բարեպաշտ ժողովրդի խոնարհման և երկրպագության համար: